ہندوستانی بیڈمنٹن اسٹار چراغ شیٹی اور سائی پرینیت نے نوواک جوکووچ سے ملاقات کی

ہندوستانی بیڈمنٹن اسٹار چراغ شیٹی اور بی سائی پرینیت ٹوکیو اولمپکس کی اپنی تیاریوں میں مصروف ہیں۔ چراغ مردوں کے ڈبلس میں مقابلہ کریں گے جبکہ پرینیتجمعہ کے روز شروع ہونے والے ٹوکیو اولمپکس میں مردوں کے سنگلس زمرے میں مقابلہ کریں گے۔  خواتین کے سنگلس میں پی وی سندھو مقابلہ کریں گی۔

 اسی دوران چیراغ اور پرینیت نے سربیا کے ٹینس اسٹار نوواک جوکووچ سے ملاقات کی۔ دونوں ہندوستانی بیڈمنٹن کھلاڑیوں نے جوکووچ کے ساتھ اپنی ملاقات کی تصاویر سوشل میڈیا پر پوسٹ کیں۔پرینیت نے اپنے ٹویٹر پر جوکووچ کے ساتھ سیلفی پوسٹ کی۔ انہوں نے فوٹو کے ساتھ کیپشن میں لکھا، ’پک آف دی ڈے‘۔

ٹوکیو اولمپکس میں چیراغ اور ستویک سائی راج رنکی ریڈی مینس ڈبلس میں ہندوستانی چیلنج پیش کریں گے۔ ہندوستانی جوڑی کو سخت ڈرا ملا ہے۔ ہندوستانی جوڑی کو گروپ اے میں رکھا گیا ہے۔ اس میں چینی تائپے کی وانگ چی لن اور لی یانگ، انگلینڈ کے بین لین اور سین وینڈی اور تھائی لینڈ کے مارکس فرنالڈی گیدون اور کیون سنجے سکامولجو شامل ہیں۔ ٹوکیو اولمپکس میں مردوں کے ڈبلس میں تھائی لینڈ کی جوڑی ٹاپ سیڈ ہے۔