ٹوکیو اولمپکس: سمیت ناگل کا مقابلہ پہلے راؤنڈ میں ازبکستان کے ڈینس استومن سے ہوگا

ٹوکیو، جولائی 22 (انڈیا نیرٹیو)

ٹوکیو اولمپک ٹینس ایونٹ کے مینز سنگلز کیٹیگری پلے آف کے لیے ڈرا کا اعلان کردیا گیا ہے۔ ہندوستانی ٹینس کھلاڑی 23 سالہ سمیت ناگل کا مقابلہ پہلے راؤنڈ میچ میں ازبکستان کے ڈینس استومین سے ہوگا۔ہندوستانی ٹینس کھلاڑی کا اب تک ملا جلا سال رہا ہے۔ انہوں نے رواں سال 18 میچ جیتے ہیں اور 17 میچ ہارے ہیں۔

ناگل اس سال اپنے ہارڈ کورٹ کے دونوں میچ ہار گئے۔ یہ وہی سطح ہوگی جس پر وہ ٹوکیو میں کھیلیں گے۔حالاں کہ 160 ویں نمبر پر آنے والے ناگل اس اعزاز کے مضبوط دعویدار نہیں ہیں، تاہم سنگلز مقابلوں میں ہندوستانی کھیلنا اپنے آپ میں ایک کامیابی ہے۔ اس سے قبل، مینز سنگلز مقابلوں میں ہندوستانی کھلاڑی صرف دوسری بار 2012 کے لندن اولمپکس میں دیکھے گئے تھے، جہاں سوم دیو برمن اور وشنو وردھن نے حصہ لیا تھا۔وہیں ثانیہ مرزا اور انکیتا رائنا کا مقابلہ خواتین کے ڈبلز کے پہلے راؤنڈ میں یوکرین کی لیوڈیمیلا کیچینوک اور نادیہ کیچینوک سے ہوگا۔

دونوں خواتین ہندستانی کھلاڑی اب تک صرف ایک بار ہی ساتھ جوڑی بنائی ہیں۔انہوں نے ہندوستان کے بلی جین کنگ کپ (فیڈ کپ) مہم کے دوران ایکشن میں دکھائی دیئے۔ثانیہ چوتھی بار اولمپکس میں ہندوستان کی نمائندگی کریں گی جب کہ انکیتا کھیلوں میں اپنا آغاز کریں گی۔