اردو کے ممتاز شاعر اور ناظم افروز عالم نے ممتاز شاعرہ پروین شاکر کو یاد کیا

<div class="o9v6fnle cxmmr5t8 oygrvhab hcukyx3x c1et5uql ii04i59q">
<div dir="auto">*اُردو کی مقبول ترین خاتون شاعرات میں نمایاں، نسائی احساسات و جذبات کی ترجمان، شہرۂ آفاق شاعرہ” پروینؔ شاکر صاحبہ “ کا یومِ ولادت…</div>
<div dir="auto">Urdu Poet Parween Shakir</div>
</div>
<div class="o9v6fnle cxmmr5t8 oygrvhab hcukyx3x c1et5uql ii04i59q">
<div dir="auto">نام *سیّدہ پروین شاکر*، تخلص *پروینؔ* *24؍نومبر 1952ء* میں *کراچی* میں پیدا ہوئیں ۔ان کے آباء و اجداد ، *چندن پٹی لہیریاسرائے ضلع دربھنگہ(بہار) ہندوستان* کے رہنے والے تھے ۔ تقسیم کے بعد ان کے والدین پاکستان ہجرت کر گئے ۔والد *سیّد ثاقب حسین* بھی شاعر تھے اور *شاکرؔ* تخلص کرتے تھے ۔ اسی نسبت سے وہ شاکر لکھتی تھیں ۔ ابتدا میں مینا تخلص کرتی تھیں۔ پندرہ برس کی عمر میں شاعری کی ابتدا ہوئی ۔پہلی نظم روزنامہ جنگ میں شائع ہوئی ۔1968ء میں جامعہ کراچی سے انگریزی ادب اور لسانیات میں ایم اے کیا۔1971میں پروین نے جنگ میں ذرائع ابلاغ کا کردار کے موضوع پر ڈاکٹریٹ کی ڈگری لی ۔</div>
<h4 dir="auto">Urdu Poet Parween Shakirپروین شاکر کو زمانہ یاد کرتا ہے.</h4>
<div dir="auto"></div>
<div dir="auto">ہارورڈ یونیورسٹی امریکہ سے انہوں نے بینک ایڈ منسٹریشن میں ایم اے کیا ۔ عبداللہ گرلز کالج میں انگریزی کی لکچرر ہوئیں ۔سول سروس کے امتحان میں کامیاب ہوئیں۔کسٹم اینڈ ایکسائز کے محکمے میں کسٹم کلکٹر ہوئیں۔ ان کی شادی ان کے خالہ زاد بھائی ڈاکٹر نصیر علی سے ہوئی، لیکن 1989 میں علیحدہ گی ہوگئیں۔ بیٹے کا نام *سیّد مرادعلی* رکھا جسے گیتو بھی کہا جاتا تھا۔ *پروین، احمد ندیم قاسمی* سے بے حد متاثر تھیں اور انہیں عمو جان کہا کرتی تھیں۔پہلا مجموعہ *” خوشبو“* انہی کے نام منسوب ہے ۔ *26؍دسمبر 1994ء* کو *اسلام آباد* کے نزدیک ایک ٹریفک حادثے میں ان کا انتقال ہوگیا۔</div>
</div>
<div dir="auto"></div>
<div dir="auto"></div>
<div class="o9v6fnle cxmmr5t8 oygrvhab hcukyx3x c1et5uql ii04i59q">
<div dir="auto">وہ تو خوش بو ہے ہواؤں میں بکھر جائے گا</div>
<div dir="auto">مسئلہ پھول کا ہے پھول کدھر جائے گا</div>
<div dir="auto">—</div>
<div dir="auto">اب بھی برسات کی راتوں میں بدن ٹوٹتا ہے</div>
<div dir="auto">جاگ اٹھتی ہیں عجب خواہشیں انگڑائی کی</div>
<div dir="auto">—</div>
<div dir="auto">*چلنے کا حوصلہ نہیں رکنا محال کر دیا*</div>
<div dir="auto">*عشق کے اس سفر نے تو مجھ کو نڈھال کر دیا*</div>
<div dir="auto">—</div>
<div dir="auto">*اک نام کیا لکھا ترا ساحل کی ریت پر*</div>
<div dir="auto">*پھر عمر بھر ہوا سے میری دشمنی رہی*</div>
<div dir="auto">—</div>
<div dir="auto">کیسے کہہ دوں کہ مجھے چھوڑ دیا ہے اس نے</div>
<div dir="auto">بات تو سچ ہے مگر بات ہے رسوائی کی</div>
<h4 dir="auto">پروین شاکر کا جادو</h4>
<div dir="auto">—</div>
<div dir="auto">دشمنوں کے ساتھ میرے دوست بھی آزاد ہیں   Urdu Poet Parween Shakir</div>
<div dir="auto">دیکھنا ہے کھینچتا ہے مجھ پہ پہلا تیر کون</div>
<div dir="auto">—</div>
<div dir="auto">وہ نہ آئے گا ہمیں معلوم تھا اس شام بھی</div>
<div dir="auto">انتظار اس کا مگر کچھ سوچ کر کرتے رہے</div>
<div dir="auto">—</div>
<div dir="auto">*کچھ تو ہوا بھی سرد تھی کچھ تھا ترا خیال بھی*</div>
<div dir="auto">*دل کو خوشی کے ساتھ ساتھ ہوتا رہا ملال بھی*</div>
<div dir="auto">—</div>
<div dir="auto">*ہم تو سمجھے تھے کہ اک زخم ہے بھر جائے گا*</div>
<div dir="auto">*کیا خبر تھی کہ رگِ جاں میں اتر جائے گا*</div>
<div dir="auto">—</div>
<div dir="auto">عکس خوشبو ہوں بکھرنے سے نہ روکے کوئی</div>
<div dir="auto">اور بکھر جاؤں تو مجھ کو نہ سمیٹے کوئی</div>
<div dir="auto"></div>
<h4 dir="auto">—خوبصورت شاعرہ کے کچھ اشعار</h4>
<div dir="auto">وہ کہیں بھی گیا لوٹا تو مرے پاس آیا</div>
<div dir="auto">بس یہی بات ہے اچھی مرے ہرجائی کی</div>
<div dir="auto">—</div>
<div dir="auto">*بہت سے لوگ تھے مہمان میرے گھر لیکن*</div>
<div dir="auto">*وہ جانتا تھا کہ ہے اہتمام کس کے لئے*</div>
<div dir="auto">—</div>
<div dir="auto">*کمالِ ضبط کو خود بھی تو آزماؤں گی*</div>
<div dir="auto">*میں اپنے ہاتھ سے اس کی دلہن سجاؤں گی*</div>
<div dir="auto">—</div>
<div dir="auto">اس کے یوں ترک محبت کا سبب ہوگا کوئی</div>
<div dir="auto">جی نہیں یہ مانتا وہ بے وفا پہلے سے تھا</div>
<div dir="auto">—</div>
<div dir="auto">*کچھ تو ترے موسم ہی مجھے راس کم آئے*</div>
<div dir="auto">*اور کچھ مری مٹی میں بغاوت بھی بہت تھی*</div>
<div dir="auto"></div>
<h4 dir="auto">—Urdu Poet Parween Shakir زندہ اشعار</h4>
<div dir="auto">اپنے قاتل کی ذہانت سے پریشان ہوں میں</div>
<div dir="auto">روز اک موت نئے طرز کی ایجاد کرے</div>
<div dir="auto"></div>
<div dir="auto">—</div>
<div dir="auto">کانپ اٹھتی ہوں میں یہ سوچ کے تنہائی میں</div>
<div dir="auto">میرے چہرے پہ ترا نام نہ پڑھ لے کوئی</div>
<div dir="auto">—</div>
<div dir="auto">ایک سورج تھا کہ تاروں کے گھرانے سے اٹھا</div>
<div dir="auto">آنکھ حیران ہے کیا شخص زمانے سے اٹھا</div>
<div dir="auto">—</div>
<div dir="auto">*ممکنہ فیصلوں میں ایک ہجر کا فیصلہ بھی تھا*</div>
<div dir="auto">*ہم نے تو ایک بات کی اس نے کمال کر دیا*</div>
<div dir="auto">—</div>
<div dir="auto">میں پھول چنتی رہی اور مجھے خبر نہ ہوئی</div>
<div dir="auto">وہ شخص آ کے مرے شہر سے چلا بھی گیا</div>
<div dir="auto">—</div>
<div dir="auto">دینے والے کی مشیت پہ ہے سب کچھ موقوف</div>
<div dir="auto">مانگنے والے کی حاجت نہیں دیکھی جاتی</div>
<div dir="auto">—</div>
<div dir="auto">یہی وہ دن تھے جب اک دوسرے کو پایا تھا</div>
<div dir="auto">ہماری سالگرہ ٹھیک اب کے ماہ میں ہے</div>
<div dir="auto">—</div>
<div dir="auto">اس نے مجھے دراصل کبھی چاہا ہی نہیں تھا</div>
<div dir="auto">خود کو دے کر یہ بھی دھوکا، دیکھ لیا ہے</div>
</div>
<div dir="auto"></div>
<div class="o9v6fnle cxmmr5t8 oygrvhab hcukyx3x c1et5uql ii04i59q">
<div dir="auto">—</div>
<div dir="auto"><a href="https://urdu.indianarrative.com/opinion/parveen-shakir-unique-urdu-poet-16629.html">*کچھ فیصلہ تو ہو کہ کدھر جانا چاہئے</a>*</div>
<div dir="auto">*پانی کو اب تو سر سے گزر جانا چاہئے*</div>
<div dir="auto">—</div>
<div dir="auto">میرے چہرے پہ غزل لکھتی گئیں</div>
<div dir="auto">شعر کہتی ہوئی آنکھیں اس کی</div>
<div dir="auto">—</div>
<div dir="auto">بخت سے کوئی شکایت ہے نہ افلاک سے ہے</div>
<div dir="auto">یہی کیا کم ہے کہ نسبت مجھے اس خاک سے ہے</div>
<div dir="auto">—</div>
<div dir="auto">کون جانے کہ نئے سال میں تو کس کو پڑھے</div>
<div dir="auto">تیرا معیار بدلتا ہے نصابوں کی طرح</div>
<div dir="auto">—</div>
<div dir="auto">*اپنی رسوائی ترے نام کا چرچا دیکھوں*</div>
<div dir="auto">*اک ذرا شعر کہوں اور میں کیا کیا دیکھوں*</div>
<h4 dir="auto">خوبصورت انتخاب</h4>
<div dir="auto">—</div>
<div dir="auto">*جستجو کھوئے ہوؤں کی عمر بھر کرتے رہے *</div>
<div dir="auto">*چاند کے ہم راہ ہم ہر شب سفر کرتے رہے*</div>
<div dir="auto">—</div>
<div dir="auto">قدموں میں بھی تکان تھی گھر بھی قریب تھا</div>
<div dir="auto">پر کیا کریں کہ اب کے سفر ہی عجیب تھا</div>
<div dir="auto">—</div>
<div dir="auto">رخصت کرنے کے آداب نبھانے ہی تھے</div>
<div dir="auto">بند آنکھوں سے اس کو جاتا دیکھ لیا ہے</div>
<div dir="auto">—</div>
<div dir="auto">تھک گیا ہے دلِ وحشی مرا فریاد سے بھی</div>
<div dir="auto">جی بہلتا نہیں اے دوست تری یاد سے بھی</div>
<div dir="auto">—</div>
<div dir="auto">*ظلم سہنا بھی تو ظالم کی حمایت ٹھہرا*</div>
<div dir="auto">*خامشی بھی تو ہوئی پشت پناہی کی طرح*</div>
<div dir="auto">—</div>
<div dir="auto">رستہ میں مل گیا تو شریک سفر نہ جان</div>
<div dir="auto">جو چھاؤں مہرباں ہو اسے اپنا گھر نہ جان</div>
<div dir="auto">—</div>
<div dir="auto">تیرے پیمانے میں گردش نہیں باقی ساقی</div>
<div dir="auto">اور تری بزم سے اب کوئی اٹھا چاہتا ہے</div>
<div dir="auto">—</div>
<div dir="auto">شب وہی لیکن ستارہ اور ہے</div>
<div dir="auto">اب سفر کا استعارہ اور ہے</div>
<div dir="auto"></div>
</div>
<h4 dir="auto">منتخب اشعار</h4>
<div class="o9v6fnle cxmmr5t8 oygrvhab hcukyx3x c1et5uql ii04i59q">
<div dir="auto">—</div>
<div dir="auto">*مقتلِ وقت میں خاموش گواہی کی طرح*</div>
<div dir="auto">*دل بھی کام آیا ہے گمنام سپاہی کی طرح*</div>
<div dir="auto">—</div>
<div dir="auto">ہتھیلیوں کی دعا پھول بن کے آئی ہو</div>
<div dir="auto">کبھی تو رنگ مرے ہاتھ کا حنائی ہو</div>
<div dir="auto">—</div>
<div dir="auto">‏جب ہوا تک یہ کہے ، نیند کو رخصت جانو</div>
<div dir="auto">ایسے موسم میں جو خواب آئیں غنیمت جانو</div>
<div dir="auto">—</div>
<div dir="auto">‏راستوں کا علم تھا ہم کو نہ سمتوں کی خبر</div>
<div dir="auto">شِہرِ نا معلوم کی چاہت مگر کرتے رہے</div>
<div dir="auto">—</div>
<div dir="auto">‏اِتنی جسارتیں تو اُسی کو نصیب تھیں</div>
<div dir="auto">جھونکے ہَوا کے،کیسے گلے سے لپٹ گئے</div>
<div dir="auto">—</div>
<div dir="auto">‏عشق دریا ہے، جو تیرے وہ تہی دست رہے</div>
<div dir="auto">وہ جو ڈوبے تھے، کسی اور کنارے نکلے</div>
<h4 dir="auto">کچھ اور اشعار</h4>
<div dir="auto">—</div>
<div dir="auto">‏رنج سہنے کی مرے دل میں تب و تاب کہاں</div>
<div dir="auto">اور یہ بھی ہے کہ پہلے سے وہ اعصاب کہاں</div>
<div dir="auto">—</div>
<div dir="auto">‏بہت عزیز سہی اُس کو میری دلداری</div>
<div dir="auto">مگر یہ ہے کہ کبھی دل مرا دُکھا بھی گیا</div>
<div dir="auto">—</div>
<div dir="auto">‏بہت عزیز ہیں آنکھیں مری اُسے ، لیکن</div>
<div dir="auto">وہ جاتے جاتے انہیں کر گیا ہے پُر نم پھر</div>
<div dir="auto">—</div>
<div dir="auto">‏یہ غنیمت ہے کہ اُن آنکھوں نے پہچانا ہمیں</div>
<div dir="auto">کوئی تو سمجھا دیارِ غیر میں اپنا ہمیں</div>
<div dir="auto">—</div>
<div dir="auto">‏غیروں کی دشمنی نے نہ مارا،مگر ہمیں</div>
<div dir="auto">اپنوں کے التفات کا زہر اب لے گیا</div>
<h4 dir="auto">خوبصورت اشعار</h4>
<div dir="auto">—</div>
<div dir="auto">‏یہی تو وجہِ شکستِ وفا ہُوئی میری</div>
<div dir="auto">خلوصِ عشق میں سادہ دلی کی آمیزش</div>
<div dir="auto">—</div>
<div dir="auto">‏برس سکے تو برس جائے اس گھڑی ، ورنہ</div>
<div dir="auto">بکھیر ڈالے گی بادل کے سارے خواب ، ہوا</div>
</div>.