ورلڈ ایتھلیٹکس چمپئن شپ میں نیرج چوپڑا کے چاندی کا تمغہ جیتنے پر ٹیم انڈیا کے سابق کرکٹر وریندر سہواگ کا ٹویٹ زبردست وائرل ہو رہا ہے۔ نیرج چوپڑا کے لیے پہلی تین کوششیں مایوس کن تھیں، لیکن چوتھی تھرو کے ساتھ، وہ چاندی کا تمغہ جیتنے کے لیے مضبوطی سے واپس آئے۔ نیرج چوپڑا کی اس جیت پر وزیر اعظم نریندر مودی سمیت ہندوستان کی تمام مشہور شخصیات نے انہیں مبارکباد دی ہے اور وریندر سہواگ کے ٹویٹ کو سب سے زیادہ پسند کیا جا رہا ہے۔

سہواگ نے ٹویٹر پر لکھا، 'آج کے بعد سے برسوں تک  نوجوانوں کی ایک ایسی نسل  رہے گی جن کے لیے 'کیا پھینکتا ہے' ایک بڑا کمپلیمنٹ ہو گا۔ چمپئن نیرج چوپڑا کا شکریہ۔ ایک بار پھر آپ نے ورلڈ ایتھلیٹکس چیمپئن شپ میں چاندی کا تمغہ جیت کر ہندوستان کا سر فخر سے بلند کیا ہے۔

نیرج چوپڑا نے ٹوکیو اولمپکس میں گولڈ میڈل جیتا تھا۔ وہ مسلسل جیولن تھرو میں شاندار کارکردگی کا مظاہرہ کر رہے ہیں۔ نیرج چوپڑا عالمی ایتھلیٹکس چمپئن شپ میں تمغہ جیتنے والے ہندوستان کے صرف دوسرے ایتھلیٹ ہیں۔ ان سے پہلے یہ کارنامہ انجو بوبی جارج نے 2003 میں انجام دیا تھا جب انہوں نے لمبی چھلانگ میں کانسی کا تمغہ جیتا تھا۔