<p style="text-align: right;"> ہندوستانی فلم انڈسٹری میں جن اداکاروں نے اپنی محنت سے اپنا مقام بنایا ان میں امجد خان کا نام سر فہرست ہے. امجد خان کے ابا واجداد کا تعلّق افغان استان سے تھا . امجد خان کے والد زکریا خان بھی فلموں میں چھوٹا موٹا کام کرتے تھے. امجد خان اردو کے مشہور ادیب اخترایمان کے داماد تھے. بالی ووڈ کی سپر ہٹ فلم ’’شعلے‘‘کے کردار’’ گبر سنگھ‘‘ نے امجد خان کو فلم انڈسٹری میں مضبوط شناخت دلائی تھی اس فلم میں گبر سنگھ کے کردار کے لئے پہلے ڈینی کا نام تجویز کیا گیاتھا فلم شعلےكے تعمیر کے وقت گبر سنگھ والا کردار ڈینی کو دیا گیا تھا لیکن اس وقت فلم ’’دھرماتما‘‘ میں کام کرنے کی وجہ سے انہوں نے شعلے میں کام کرنے سے انکار کر دیا۔
شعلے کے اسکرپٹ رائیٹرسلیم خان کی سفارش پر رمیش سپی نے امجد خان کو گبر سنگھ کا کردار ادا کرنے کا موقع دیا۔
جب سلیم خان نے امجد خان سے فلم شعلے میں گبر سنگھ کا کردار ادا کرنے کو کہا تو پہلے تو وہ گھبرا سے گئے لیکن بعد میں انہوں نے اسے ایک چیلنج کے طور پر لیا اور چمبل کے ڈاکوؤں پر بنی کتاب’ ابھیشپت چمبل ‘ کا مطالعہ کرنا شروع کیا۔
بعد میں جب فلم شعلے ریلیز ہوئی تو اان کا اداکیاگیا کردار’ گبر سنگھ ‘شائقین میں اس قدر مقبول ہوا کہ لوگ گاہے بگاہے ان کی آواز اور چال ڈھال کی نقل کرنے لگے۔
12 نومبر 1940 کو پیدا ہوئے امجد خان کو اداکاری وراثت میں ملی تھی۔
ان کے والد جینت فلم انڈسٹری میں ویلن رہ چکے تھے۔
انہوں نے بطور اداکار اپنےکریئرکا آغاز 1957 میں آئی فلم ’’اب دہلی دور نہیں ‘‘سے کیا تھا ۔اس فلم میں انہوں نے چائلڈا سٹار کاکردار اداکیاتھا۔
٢٧ جولائی ١٩٩٢ کو صرف اکیاون سال کی عمر میں امجد خان کا انتقال ہو گیا . ہندوستانی فلم انڈسٹری کو اس با کمال اداکار سے ابھی بہت امیدیں وابستہ تھیں لیکن موت نے بہت جلد امجد خان کو ہم سے چین لیا .</p>.
