جنوبی کشمیرمیں دہشت پسندوں اور پولیس و فورسز کے مابین گولیوں کاتبادلہ 

دو علاقوں میں دہشت پسندوں کے خلاف آپریشن بڑے پیمانے پرشروع کردیاگیا :آ ئی جی کشمیر

سری نگر۔10اپریل( انڈیا نیرٹیو)

کشمیرکے شوپیاں او رنو بُگ ترال میں پولیس وفورسز اور دہشت پسندوں کے مابین جھڑپوں کے دوران مبینہ طور پرانصارالغزوۃالہند کے چیف کمانڈر سمیت سات دہشت پسندوں کے جان بحق ہونے کے بعد ہڑی پورہ کولگام اورسمتھن بجبہاڑہ میں آج دہشت پسندوں اور پولیس وفورسز کے مابین گولیاں چلنے کے بعد آمنے سامنے کی لڑائی شروع۔ پولیس وفورسز نے دونوں علاقوں میں محاصرہ تنگ کرتے ہوئے جوابی کارروائی شروع کی، آخری اطلاعات موصول ہونے تک فریقین کے درمیان گولیوں کاتبادلہ جاری تھا۔ 

نمائندے کے مطابق کشمیر میں دہشت پسندوں اور پولیس و فورسز کے مابین جھڑپوں کاسلسلہ جاری ہے ۔ 34راشٹریہ رائفلز سی آر پی ایف اور جموں کشمیر پولیس کومصدقہ اطلاع ملی تھی، کہ ہڑی پورہ کولگا م کے علاقے میں دہشت پسند چھپے بیٹھے ہیں۔ اطلاع ملنے کے بعد پولیس و فورسز نے علاقے کامحاصرہ کیا،اور تلاشی کارروائی شرو ع کی جسکے دوران ایک رہائشی مکان میں چھپے بیٹھے دہشت پسندوں نے پولیس فورسز پر گولیاں چلائیں، پولیس وفورسز نے مزیدکمک طلب کرکے محاصرہ تنگ کیا،اور جوابی کارروائی شروع کی۔

ادھرسمتھن بجبہاڑہ میں بھی مصدقہ اطلاع ملنے کے بعد پولیس فورسز نے علاقے کامحاصرہ کیا،اور گھرگھر تلاشی شرو ع کی جس کے دوران علاقے میں چھپے بیٹھے دہشت پسندو ں نے پولیس وفورسز گولیاں چلائی پولیس وفورسز نے بھی گولیاں چلائی اور فریقین کے درمیاں دو بدو لڑائی شروع ہوئی۔

ادھر آ ئی جی کشمیر وجئے کمار نے ا س با ت کی تصدیق کی کہ سمتھن بجبہاڑہ اور ہڑی پورہ کولگام میں دہشت پسند چھپے بیٹھے ہیں، پولیس وفورسز نے ان علاقوں کومحاصرے میں لے لیاہے، اور دہشت پسندوں سے نمٹنے کے لیے پولیس وفورسز نے کارروائی شرو ع کی۔آ ئی جی کے مطابق قسمتھن اور ہڑی پورہ کولگام میں چار سے پانچ دہشت پسند چھپے بیٹھے ہیں۔