Urdu News

جموں و کشمیر: ملک مخالف سرگرمیوں میں ملوث لوگوں کے لیے نئے احکامات صادر

جموں و کشمیر

نہ سرکاری اداروں میں نوکری ملے گی اور نہ ہی پاسپورٹ فراہم کیاجائے گا

سنگباری اور ملک دشمن سرگرمیوں میں ملوث قراردیئے گئے نوجوانوں کو سرکاری نوکری نہیں ملے گی، اور نہ ہی بیرون ممالک میں حصول روزگار یاتجارت کی غرض سے جانے کے لیے پاسپورٹ اجرا  کیاجائے گا۔ جوکوئی بھی سرکاری ملازم سنگباری یاملک دشمن سرگرمیوں میں ملوث ہوگا،اسے نوکری سے نکال دیاجا ئےگا۔

 نمائندے کے مطابق سنگباری یاملک دشمن سرگرمیوں میں ملوث قرار دیئے گئے نوجوانوں کامستقبل اس وقت مخدو ش بن گیا جب سی آی ڈی اورسی آ ئی کے کو ہدایت کی گئی  ہے، کہ سنگباری کرنے یاملک دشمن سرگرمیوں میں ملوث افرادکی ویری فکیشن کے دوران ان کے بارے میں پوری طرح سے جانکاری حاصل کی جا ئے، اور جانکاری حاصل کرنے کے لیے سی سی ٹی وی فٹیج کابھر پور جائزہ لیاجائے، تاکہ ملک دشمن سرگرمیوں اور سنگباری میں ملوث افراد کے خلاف منظم طریقے سے کارروائی عمل میں لاتے ہوئے سرکاری نوکریاں حاصل کرنے سے دو ررکھاجاسکے۔

جموں کشمیر انتظامیہ کی جانب سے سنگباری اور ملک دشمن سرگرمیوں میں ملوث نوجوانوں کو بیرون ممالک حصول روز گار یاتجارت کی غرض سے بھی سفری دستاویزات اجرا  نہیں کئے جائین گے سرکار کی جانب سے اجرا  کئے گئے دستاویازت میں کہاگیاجوبھی ملک دشمن سرگرمی میں ملوث ہوگا، اسکے خلاف قانونی کارروائی عمل میں لاتے ہوئے ا س سے سرکاری نوکری سے برطرف کیاجائے گا۔

گزشتہ دنوں جموں وکشمیر انتظامیہ نے احکامات صادرکئے تھے، کہ سرکاری نوکریاں حاصل کرنے والے امیدواروں کونہ صرف اپنی ویری فکیشن پیش کرنی ہوگی، بلکہ اپنے نزدیکی رشتہ دروں سیاسی وابستگی کے بارے میں بھی جانکاری فراہم کرنی ہوگی، اگر سرکاری نوکری حاصل کرنے والے امیدوار کاکوئی نزدیکی رشتہ دار کسی غیرقانونی سرگرمی ملوث ہوتواسے نوکری سے برطرف کرنے کے احکامات صادرکئے جاسکتے ہے۔

واضح رہے کہ پچھلے تین ماہ کے دوران سرکار نے ملک دشمن سرگرمیوں میں ملوث ہونے والے 18کے قریب ملازمین کو سرکاری نوکری سے برطرف کرنے کے احکامات صادرکردیئے ہے۔سرکار کے اس تازہ حکم نامے سے ان نوجوانوں میں مایوسی کی لہردوڑ گئی ہے جن کے خلاف احتجاجی مظاہروں یاسنگباری کے دوران ایف آئی آردرج کئے گئے ہے، اور ایسے نوجوان کومستقبل اب مخدوش بن جائیگا نہ ایسے نوجوانوں کواعلیٰ تعلیم حاصل کرنے کے بعدسرکاری نوکری ملے گی نہ انہیں بیرون ممالک میں حصول روز گار یاتجارت کی غرض سے جانے کے لیے پاسپورٹ اجراکیاجائے گا۔

Recommended