<h3 style="text-align: center;">پرینیتی چوپڑا کی فلم ’دی گرل آن دی ٹرین‘کا ٹیزر جاری، فلم 6 فروری کو نیٹ فلکس پر ریلیز ہوگی</h3>
<p style="text-align: center;">Teaser of Priniti Chopra's movie 'The Girl on the Train' released</p>
<p style="text-align: right;">انڈیا نیرٹیو</p>
<p style="text-align: right;">پرینیتی چوپڑا کی فلم ’دی گرل آن دی ٹرین‘ کا ٹیزر، جو ایک طویل عرصے سے زیربحث ہے، بدھ کو جاری کیا گیا ہے۔ یہ ایک مسٹری تھرلر فلم ہے۔ اس فلم میں پر ینیتی چوپڑا مرکزی کردار میں ہیں۔</p>
<p style="text-align: right;"> اس فلم میں ان کے علاوہ آدیتی راؤ حیدری، کریتی کلہاری اور اویناش تیواری بھی اہم کرداروں میں ہیں۔ فلم کے ٹیزر کا اشتراک کرتے ہوئے پرینیتی چوپڑا نے سوشل میڈیا پر لکھا کہ دی گرل آن دی ٹرین۔چلو یہ کرتے ہیں۔26فروری کو نیٹ فلکس میں</p>
<p style="text-align: right;">فلم کا ٹیزر سسپنس سے بھرا ہوا ہے۔ فلم کی کہانی ایک خوب صورت شہر، ایک ٹرین اور ایک متجسس لڑکی میرا کے گرد گھوم رہی ہے۔ فلم کے اس ٹیزر کو سوشل میڈیا پر خوب پسند کیا جارہا ہے۔ اسی کے ساتھ ہی، میکرس نے فلم کے ٹیزر کے ساتھ ہی فلم کا نیا پوسٹر بھی جاری کیا ہے، جسے پرینیتی نے مداحوں کے ساتھ بھی شیئر کیا ہے۔</p>
<p style="text-align: right;">فلم کے اس پوسٹر میں پرینیتی ٹرین کے ساتھ لیٹی ہوئی دکھائی دے رہی ہیں۔ ربھو داس گپتا کی ہدایتکاری میں بننے والی یہ فلم اسی نام کے برطانوی مصنف پولا ہاکنس کی ناول پر مبنی ہے۔</p>
<p style="text-align: right;"> فلم گزشتہ سال 8 مئی کو ریلیز ہونے والی تھی، لیکن ملک میں کورونا وبا پھیل جانے کی وجہ سے فلم وقت پر ریلیز نہیں ہوسکی۔ وہیں فلم سازوں نے اس فلم کو او ٹی ٹی پلیٹ فارم پر ریلیز کرنے کا فیصلہ کیا ہے۔ فلم رواں سال 26 فروری کو نیٹ فلکس پر ریلیز ہوگی۔</p>.
