ہندوستانی مسلمانوں کے جملہ مسائل کا حل سرسید کے افکار و خیالات میں مضمر ہے، سر سید احمد خان کی فکر ہمارے لیے مشعل راہ ہے ان خیالات کا اظہار خورشید احمد خان نے کیا وہ آج سلطان جہاں منزل میں منعقد ال انڈیا مسلم ایجوکیشنل کانفرنس کے سالانہ میٹنگ کو خطاب کر رہے تھے۔
انہوں نے کانفرنس کے ذریعے اشاعتی پروگرام کے تحت نئی نسل کو سرسید کی فکر سے واقف کرائے جانے کی کوششوں کی ستائش کی،جنرل سیکرٹری پروفیسر رضا اللہ خان نے سبھی شرکا کا خیر مقدم کرتے ہوئے سالانہ رپورٹ گوشوارہ آمد و صرف میں آڈٹ رپورٹ پیش کی جس کو اتفاق رائے سے منظور کیا گیا۔
انہوں نے بتایا کہ اشاعتی مٹیریل کی تیاری کا کام شروع کر دیا گیا ہے جو جلد ہی منظر عام پر ائے گا، آل انڈیا مسلم ایجوکیشنل کانفرنس کے سالانہ اجلاس ممبران کی رائے کے مطابق اکتوبر 2023 میں علی گڑھ میں منعقد کیا جائے گا،تاریخوں کا اعلان جلد ہی کیا جائے گا۔
انہوں نے کانفرنس کے حلقے کو وسیع کرنے کے لیے سبھی ممبران کو متوجہ کیا اور اس کے لیے پانچ رکنی اسکریننگ کمیٹی تشکیل دی جس میں خورشید احمد خان،اسد یار خان،محمد احمد شیون،ڈاکٹر معراج الدین احمد اور آنریری جنرل سیکرٹری پروفیسر رضا ء اللہ خان کے نام شامل ہیں،اس کے ساتھ ہی کانفرنس کے دستور العمل کے لیے بھی ایک کمیٹی تشکیل دی گئی جس میں خورشید احمد خان،میر محمدعلی، محمد احمد شیون اور نور الکریم کو نامزد کیا گیا جو دستور میں حذف و اضافے کی تجویز مجلس منتظمہ میں پیش کریں گے،جنرل سیکرٹری نے بتایا کہ اسکالرشپ دینے کے لیے جو پروگرام شروع کیا گیا ہے اس میں کنور نسیم وارث نے 100 لڑکیوں کے لیے اسکالرشپ دینے کا اعلان کیا ہے۔
جنرل سیکرٹری کی تجویز کے مطابق کانفرنس کہ جوائنٹ سیکرٹری کے لیے اسد یار خان کے نام کی تجویز کو اتفاق رائے سے منظور کیا گیا،کانفرنس کی مجلس منتظمہ کے رکن معروف ملی رہنما ظفریاب جیلانی ایڈوکیٹ کے سانحہ ارتحال پر گہرے رنج و غم کا اظہار کیا گیا اور ان کی ملی اور سماجی تعلیمی خدمات کا اعتراف کرتے ہوئے ان کی وفات کو ایک غیر معمولی ملی خسارہ قرار دیا اور دعا کی گئی کہ مرحوم کو اپنے جوار رحمت میں جگہ عطا فرمائے اور پسماندگان کو صبر کی توفیق دے،اس موقع پر خورشید احمد خان، اسد یار خان، نور الکریم،میر محمد علی، کنور نسیم وارث،جاوید سعید، ڈاکٹر معراج الدین احمد،پروفیسر رضا اللہ خان اور محمد احمد شیون نے بھی اپنے خیالات کا اظہار کیا جلسے کا آغاز تلاوت کلام پاک سے ہوا سیکرٹری کے شکریہ پر جلسے کا اختتام ہوا۔
