وی آئی پی سربراہ مکیش سہنی بھی  ہوئےکورونامتاثرہ

<h3 style="text-align: center;">وی آئی پی سربراہ مکیش سہنی بھی  ہوئےکورونامتاثرہ</h3>
<p style="text-align: right;">پٹنہ ، 28 اکتوبر (انڈیا نیرٹیو)</p>
<p style="text-align: right;">کورونا دور میں بہار اسمبلی انتخابات کرانا یہاں کے لیڈروں پر کافی اثر پڑ رہا ہے۔ بی جے پی اور جے ڈی یو کے بعدوی آئی پی سربراہ مکیش سہنی کو کورونا ہوگیا ہے۔ مکیش سہنی متاثرہ پائے گئے ہیں۔ وہ کئی دنوں سے لگاتار انتخابی پروگراموں میں حصہ لے رہے تھے۔ جس کی وجہ سے انفیکشن ہوگیا ہے۔</p>
<p style="text-align: right;">وی آئی پی ذرائع سے موصولہ اطلاعات کے مطابق مکیش سہنی کی طبیعت ٹھیک نہیں تھی جس کے بعد انہوں نے کورونا ٹیسٹ کرائی ، جس کی رپورٹ مثبت آئی ہے۔ انہوں نے حالیہ دنوں میں اپنے رابطہ میں آنے والے لوگوں سے کورونا جانچ کروانے کی اپیل کی ہے۔ دربھنگہ میں انتخابی ریلی سے خطاب کرتے ہوئے وزیر اعظم نریندر مودی نے کہا کہ انتخابی سرگرمی کے درمیان وی آئی پی پارٹی کے صدر مکیش سہنی کو کورونا ہوگیا ہے۔ نائب وزیر اعلی سشیل کمار مودی بھی کورونا سے متاثر ہو گئے ہیں۔ واضح ہو کہ گزشتہ منگل کو جے ڈی یو کے ممبر پارلیمنٹ سنیل کمار پنٹو اور جے ڈی یو کے سابق ممبر پارلیمنٹ نول کشور رائے بھی کورونا متاثر ہ پائے گئے تھے۔ انہوں نے حال ہی میں کئی جلسوں میں شرکت کی تھی۔ اس سے قبل بھارتیہ جنتا پارٹی کے کئی اعلیٰ لیڈروںکو بھی کورونا انفیکشن ہوگیا ہے۔ جس میں بی جے پی کے اسٹار مہم چلانے والے بھی شامل ہیں۔ بہار کے نائب وزیر اعلی سشیل کمار مودی ، رکن پارلیمنٹ راجیو پرتاپ روڑی ، ترجمان شاہنواز حسین اور مہاراشٹرا کے سابق وزیر اعلیٰ دیویندر فڑنویس بھی کورونا مثبت پائے گئے ہیں۔</p>.