عالمی ادارہ صحت کا کہنا ہے کہ شام میں مرنے والوں کی تعداد 8500 ہو گئی

انقرہ/دمشق، 13 فروری (انڈیا نیریٹو)

ترکیہ اور شام میں گزشتہ پیر کو آنے والے طاقتور زلزلے میں اپنے پیاروں کو کھونے والے لوگ دل شکستہ ہیں۔ لوگوں کے گھروں کا نام و نشان باقی نہیں رہا۔ کئی شہر قبرستان بن چکے ہیں۔ ہلاکتوں کی تعداد تیزی سے بڑھ رہی ہے۔ عالمی مدد سے راحت اور بچاوکا کام جنگی بنیادوں پر جاری ہے۔ زندگیوں کی تلاش میں مرتی امیدوں کے درمیان ملبے کے ڈھیر کو ہٹانے کا کام جاری ہے۔ اب تک 38105 افراد کی لاشیں نکالی جا چکی ہیں۔

اہم نیوز میڈیاسی این این کی ایک رپورٹ میں کہا گیا ہے کہ اتوار کو ترکیہ اور شمال مغربی شام میں ہلاکتوں کی تعداد 34179 ہو گئی لیکن ترکی کے ایمرجنسی کوآرڈینیشن سینٹر نے کہا کہ ملک میں ہلاکتوں کی تعداد 29605 ہو گئی ہے۔

شام میں عالمی ادارہ صحت کے مشرقی بحیرہ روم کے دفتر کے قائم مقام علاقائی ایمرجنسی ڈائریکٹر رک برینن نے کہا کہ زلزلے سے مرنے والوں کی تعداد 8500 ہو گئی ہے۔ آنے والے دنوں میں اس تعداد میں مزید اضافہ متوقع ہے۔