پاکستان میں اغوا ہونے والا سکھ نوجوان تین ماہ کے بعد بے ہوش ملا، چار افراد گرفتار

پشاور ، 31 مئی (انڈیا نیرٹیو)

 پاکستان میں پشاور سے تین ماہ قبل اغوا کیا گیا سکھ نوجوان بے ہوش ملا۔ شمال مغرب میں واقع صوبہ خیبر پختونخوا کے ایک گاوں میں وہ بے ہوش پایاگیا۔ اس پر حملہ کرنے کے الزام میں چار افراد کو گرفتار کیا گیا ہے۔

گلبرگ کے علاقے پشاور سے تعلق رکھنے والا 20 سالہ اویناش سنگھ 28 فروری کو اغوا کیا گیا تھا۔ وہ تین ماہ بعد ضلع کوہاٹ کی تحصیل لاچی کے قریب ایک گاوں میں پایاگیا۔ انہیں تشویش ناک حالت میں پشاور کے لیڈی ریڈنگ اسپتال میں داخل کرایا گیا۔

 لواحقین کا کہنا ہے کہ اغوا کاروں کی پٹائی کی وجہ سے نوجوان بے ہوش ہوگیا ہے۔ گذشتہ ماہ ، سکھ برادری کے لوگوں نے پشاور شہر میں احتجاج کیا ، اور خیبر پختونخوا حکومت سے مطالبہ کیا کہ مغوی نوجوانوں کو رہا کیا جائے۔ سکھ رہنما سردار پرویندر سنگھ کی قیادت میں مظاہرے میں خواتین اور بچوں کی ایک بڑی تعداد نے بھی شرکت کی۔ انہوں نے کہا کہ نوجوانوں کو سماج دشمن عناصر نے اغوا کیا ہے۔