یتی ایئر لائنز کے ترجمان سدرشن برٹولا نے تصدیق کرتے ہوئے کہا کہ عملے کے چار ارکان سمیت 68 مسافر سوارتھے

کاٹھمنڈو (نیپال)، 15 جنوری (انڈیا نیرٹیو)

 کاٹھمنڈو سے پوکھرا کے لیے پرواز کرنے والا یتی ایئرلائنس کا ATR 72 طیارہ اتوار کی صبح کاسکی ضلع کے پوکھرا میں گر کر تباہ ہوگیا۔ اس بات کی تصدیق نیپال کے معروف اخبار ‘دی کاٹھمنڈو پوسٹ’ نے یتی ایئرلائن کے ترجمان سدرشن برٹولا کے حوالے سے کی ہے۔

یتی ایئر لائنز کے ترجمان سدرشن برٹولا نے دی کاٹھمنڈو پوسٹ کو بتایا کہ طیارہ پرانے ہوائی اڈے اور پوکھرا بین الاقوامی ہوائی اڈے کے درمیان گر کر تباہ ہوا۔ طیارے میں کل 68 مسافر اور عملے کے چار ارکان سوار تھے۔

کھٹمنڈو پوسٹ نے اپنی رپورٹ میں بتایا کہ سوشل میڈیا پلیٹ فارمز پر پوسٹ کی گئی تصاویر اور ویڈیوز میں جائے حادثہ سے دھوئیں کے بادل اٹھتے ہوئے دکھائی دے رہے ہیں۔