افغانستان: کابل میں موجود ہندوستانی سفارت خانہ کے تمام ملازمین محفوظ نکالے گئے، IAFکے C-17گلوب ماسٹر نے کی پرواز

طالبان کے بڑھتے خطرات کے پیش نظر افغانستان میں ہندوستانی سفارت خانہ کے سبھی ملازمین کو نکال لیا گیا ہے۔ہندوستانی فضائیہ کے طیارہ کے آج صبح ملازمین اور سبھی ضروری دستاویز کو لے کر راجدھانی کابل کے ایئر پورٹ سے پرواز کی۔

طالبان کے بڑھتے خطرات کے پیش نظر افغانستان میں ہندوستانی سفارت خانہ کے سبھی ملازمین کو نکال لیا گیا ہے۔ہندوستانی فضائیہ کے طیارہ کے آج صبح ملازمین اور سبھی ضروری دستاویز کو لے کر راجدھانی کابل کے ایئر پورٹ سے پرواز کی۔ طالبان کے جنگجووں نے کابل پر قبضہ کر لیا ہے۔

ذرائع نے اطلاع دی تھی کہ کابل میں خراب ہوتی ہوئی صورت حال کے درمیان ہندوستانی سفارت خانہ نے گزشتہ پیر کو ہی کام کرنا بند کر دیا تھا۔ انہوں نے بتایا تھا کہ ہندوستانی اسٹاف کے نکلنے کے بعد سفارت خانہ کے کام کو مقامی افغان ملازمین کے ہاتھوں سونپ دیا جائے گا۔ ملک میں پھنسے ہندوستانیوں کو نکالنے  کے لئے ہندوستانی فضائیہ کا طیارہ سی-17 گلوب ماسٹر کابل پہنچ گیا تھا۔ حالانکہ، بدعنوانیوں کے سبب فوجی اور شہری آپریشن رک گئے تھے۔

ایک دو دن میں نکالے جائیں گے ہندوستانی

نیوز ایجنسی اے این آئی نے ذرائع کے حوالے سے اطلاع دی تھی کہ ہندوستان لوٹنے کی خواہش رکھنے والے ہندوستانی محفوظ علاقوں میں ہیں اور انہیں ایک یا دو دنوں میں محفوظ واپس لایا جائے گا۔ وہیں، انڈیا ٹوڈے کی رپورٹ کی مطابق، سرکاری ذرائع نے بتایا ہے کہ افغانستان کے الگ الگ حصوں میں پھنسے تقریباً 120 ہندوستانیوں کو ایک دو دنوں میں ہندوستان لایا جائے گا۔

گزشتہ پیر کو وزارت خارجہ نے پریس کانفرنس کے دوران کہا تھا کہ ہندوستانی حکومت افغانستان کی صورتحال پر ’باریکی سے نظر بنائے ہوئے ہے‘۔ وزات خارجہ کے ترجمان ارندم باغچی نے کہا تھا کہ گزشتہ کچھ دنوں میں کابل کے صورتحال کافی تیزی سے خراب ہوئی ہے۔ انہوں نے ٹوئٹ کے ذریعہ اطلاع دی تھی کہ وزات نے افغانستان سے ہندوستان واپسی اور دیگر درخواستوں کے لئے ایک خصوصی افغانستان سیل تیار کیا ہے۔ ساتھ ہی انہوں نے ای میل آئی ڈی اور فون نمبر بھی شیئر کیا تھا۔