قومی سلامتی کے مشیر اجیت کے ڈوول کے دورے کے دوران ہونے والی بات چیت جدید شعبوں میں ہندوستان۔امریکہ تعاون کو تیز کرنے کی بنیاد ہے اور یہ ایک جامع اور عالمی اسٹریٹجک شراکت داری کی پختگی کی صحیح عکاسی کرتی ہے۔

یہاں ہندوستانی سفارت خانے نے یہ بات کہی۔ڈووال نے ایک اعلیٰ اختیاراتی وفد کی قیادت امریکہ کی جس میں پانچ سکریٹری سطح کے عہدیدار اور ہائی ٹیک ایریا سے تعلق رکھنے والے ہندوستانی کارپوریٹ سیکٹر کے ارکان شامل تھے جن کے ساتھ ساتھ یہاں وائٹ ہاؤس میں اہم اور ابھرتی ہوئی ٹکنالوجیوں پر ہندوستان-امریکہ اقدام  اقدام کا آغاز کیا۔

سفارت خانے نے ایک بیان میں کہا، “اس دورے کے دوران ہونے والی بات چیت جدید شعبوں میں ہندوستان-امریکہ تعاون کو تیز کرنے کی بنیاد بناتی ہے اور یہ واقعی ہندوستان-امریکہ جامع، عالمی اسٹریٹجک شراکت داری کی پختگی کی عکاسی کرتی ہے۔”30 جنوری سے 1 فروری تک کے دورے کے دوران، قومی سلامتی کے مشیر ڈوول نے امریکی پالیسی سازوں اور حکومت، کانگریس، کاروباری، تعلیمی اور تحقیقی برادریوں کے ساتھ باہمی دلچسپی کے دو طرفہ، علاقائی اور عالمی مسائل پر بات چیت کی۔

سلیوان کے ساتھ اپنی ملاقات کے علاوہ ڈووال نے چیئرمین جوائنٹ چیفس آف اسٹاف جنرل مارک ملی، قائم مقام سیکریٹری دفاع کیتھلین ہکس، اہم سینیٹرز اور صنعت کے رہنماؤں سے بھی ملاقات کی۔ دورے کے دوران وہ بعد میں سیکریٹری آف اسٹیٹ انتھونی بلنکن سے ملاقات کریں گے۔ڈووال اور سلیوان نے منگل کو وائٹ ہاؤس میں آئی سی ای ٹی کے افتتاحی اجلاس کی مشترکہ صدارت کی، جس نے مئی 2022 میں ٹوکیو میں وزیر اعظم نریندر مودی اور صدر جوزف بائیڈن کی ملاقات کے دوران کیے گئے اعلان کو عملی جامہ پہنایا۔