ہندوستانی نژاد سکھ خاتون افسر لیفٹیننٹ منمیت کولون نے امریکی ریاست کنیکٹی کٹ میں اسسٹنٹ چیف آف پولیس کے طور پر چارج سنبھال لیا  ہے۔ وہ ایشیائی نسل کے محکمے کی پہلی سیکنڈ ان کمانڈ بن گئیں۔ نیو ہیون انڈیپنڈنٹ کی خبر کے مطابق   درجنوں دوستوں، خاندان کے افراد، شہر کے کارکنوں اور پولیس کے ساتھیوں سے گھرے ہوئے، لیفٹیننٹ منمیت کولون نے جمعہ کو شہر کا تیسرا اسسٹنٹ پولیس چیف  اور محکمہ کا ایشیائی نسل کا پہلا سیکنڈ ان کمانڈ بننے کا حلف اٹھایا۔

  کولون نے امید ظاہر کی کہ محکمہ کے پہلے ہندوستانی امریکی اسسٹنٹ چیف کے طور پر ان کا درجہ اسی طرح کے پس منظر سے تعلق رکھنے والے دوسروں کو قانون نافذ کرنے والے اداروں میں کیریئر بنانے کی ترغیب دیتا ہے۔ بیان میں مزید کہا گیا ہے کہ میں ایک سکھ خاندان سے ہوں۔

میں پنجابی بولتی ہوں۔ مجھے اپنے ورثے پر بہت فخر ہے۔ میرے لئے یادہ اہم مشن اور محکمے کی اقدار ہیں۔ میرے نزدیک، یہ سب منصفانہ اور غیر جانبدار ہونے کے بارے میں ہے۔ میرا پس منظر، میرے اخلاق، میری خاندانی اقدار اور روایات میرے لئے بہت معنی  رکھتی ہیں۔  مجھے لگتا ہے کہ میں میز پر بہت کچھ لاتی  ہوں۔

مجھے خوشی ہے کہ دسترخوان پر میرے لیے جگہ ہے۔ دی نیو ہیون انڈیپنڈنٹ نے رپورٹ کیا کہ نیو ہیون میں پولیس کمشنرز کے بورڈ نے متفقہ طور پر 37 سالہ کولون کی تقرری کی منظوری دی، جو پہلے داخلی امور کے دفتر میں لیفٹیننٹ تھیں۔