نئی دہلی، 22 اکتوبر (انڈیا نیرٹیو)

بنگلہ دیش میں درگا پوجا پنڈال پر حملوں کے ساتھ بڑے پیمانے پر ہندو برادری کے خلاف تشدد بھڑکانے کے مرکزی ملزم اقبال حسین کو جمعرات کی رات گرفتار کر لیا گیا۔ اقبال حسین کو کاکس بازار کے ساحل سمندر سے گرفتار کیا گیا۔

بنگلہ دیش کے معروف اخبار ڈھاکہ ٹریبیون نے کومیلا کے پولیس سپرنٹنڈنٹ فاروق احمد کا حوالہ دیتے ہوئے اطلاع دی ہے کہ تشدد کے دوران سی سی ٹی وی فوٹیج کے ذریعے ملزم کی شناخت جمعرات کو ہوئی تھی۔ اسے چند گھنٹے بعد گرفتار کر لیا گیا۔ اقبال پر الزام ہے کہاس نے درگا پوجا پنڈال میں مقدس کتاب قرآن کو تشدد بھڑکانے کی نیت سے رکھا تھا اور اس سے بڑے پیمانے پر تشدد پھیلا تھا۔