اسلام آباد ، 06 فروری (انڈیا نیرٹیو)

 پاکستان نے اس سال یوم یکجہتی کشمیر بھی منایا۔ اس موقع پر پاکستان کے وزیر اعظم عمران خان نے کہا کہ وہ کشمیر کے سفیر کی حیثیت سے ہر پلیٹ فارم پر جائیں گے۔ اسی کے ساتھ ہی ہمسایہ ملک بنگلہ دیش کئی تنظیموں نے ڈھاکہ میں’یوم یکجہتی ‘منانے کے لیے پاکستان ہائی کمیشن کی سرزنش کی ہے۔ پاکستان سے دہشت گردوں کو کشمیر نہ بھیجنے کا مطالبہ کیا ہے۔

ڈھاکہ میں جمعہ کے روز بنگلہ دیش کی سماجی تنظیمیں بنگلہ دیش ڈاٹرز فاؤنڈیشن اور دیگر کئی تنظیموں نے 1971 میں بنگلہ دیش میں نسل کشی کے لیےپاکستان پر تنقید کی۔ اسی کے ساتھ ہی ، ان تنظیموں نے پاکستان سے کہا کہ وہ شیخ مجیب الرحمن کے قاتلوں کو اپنے ملک میں پناہ دینا بند کرے۔

ان تنظیموں نے نعرے لگاتے ہوئے کہا کہ پاکستان ہم چاہتے ہیں کہ آپ اپنے بدنام زمانہ دہشت گردوں کو جیل میں ڈالیں اور اپنے دہشت گردوں کو کشمیر بھیجنا بند کردیں۔ ان بنگلہ دیشیوں نے کہا کہ یوم یکجہتی کشمیر منانے والے پاکستان کوبلوچستان میں انسانی حقوق کی پامالیوں کا بھی جواب دینا چاہیے۔

بنگلہ  دیشیوں نے مزید کہا کہ پاکستان ایک طرف امن کی بات کرتا ہے تو دوسری طرف کشمیر سمیت پاکستان کے مختلف علاقوں میں دہشت گردوں کی پشت پناہی کرتا ہے۔ پاکستان کشمیر میں دہشت گردانہ سرگرمیوں میں مسلسل ملوث رہا ہے پھر پاکستان کس حق سے یوم یکجہتی منانے کا دعوی کر رہا ہے۔

پاکستان بلوچستان میں بھی فوجیوں کے ذریعے یہی سب کام انجام دے رہا ہے۔ اس سب سے واضح ہوتا ہے کہ پاکستان کو انسانی حقوق سے کوئی سروکار نہیں ہے اگر انسانی ہمدردیاں پاکستان کو اتنا ہی پیارا ہے تو بلوچوں کے ساتھ حیوانوں جیسا سلوک کیوں کیا جا رہاہے ؟ بنگلہ دیشیوں نے اس طرح کے نعروں سے پاکستانی ہائی کمیشن کی خوب سرزنش کی ہے۔