بدعنوانی کے الزامات میں گھرےبینجمن نیتن یاھو کے استعفیٰ کا مطالبہ

<p dir="RTL" style="text-align: justify;">
یروشلم ، 25 جنوری (انڈیا نیرٹیو)</p>
<p dir="RTL" style="text-align: justify;">
یروشلم میں ہزاروں افراد اسرائیل میں بدعنوانی کے الزامات سے گھرے وزیر اعظم بینجمن نیتن یاھو کے خلاف ہفتہ وار مظاہروں کے لیے جمع ہوئے اور ان سے استعفیٰ کا مطالبہ کیا۔ اس کے علاوہ ملک کے دوسرے علاقوں میں چوکوں اور پلوں پر بہت سے چھوٹے مظاہرے ہوئے۔</p>
<p dir="RTL" style="text-align: justify;">
وزیر اعظم نیتن یاھو پر تین مقدمات میں دھوکہ دہی ، اعتماد شکنی اور رشوت لینے کا الزام ہے۔ یہ معاملے ان کے ارب پتی ساتھیوں اور میڈیا شعبہ سے وابستہ افراد سے متعلق ہیں۔ نیتن یاھو ان تمام الزامات کی تردید کرتے رہے ہیں لیکن مظاہرین کا کہنا ہے کہ وہ ان الزامات کے ساتھ ملک کی صحیح رہنمائی نہیں کرسکتے ہیں۔</p>
<p dir="RTL" style="text-align: justify;">
گزشتہ موسم گرما سے ، ہر ہفتے ان کے خلاف مظاہرے کئے جارہے ہیں۔ خاص طور پر ، مقبوضہ یروشلم میں ایک چوراہے پر نیتن یاہو کی سرکاری رہائش گاہ کے قریب مظاہرے ہو رہے ہیں۔ اگرچہ سردیوں کے موسم میں اس میں شرکت کرنے والوں کی تعداد میں کمی واقع ہوئی ہے ، لیکن احتجاج جاری ہے۔</p>