بھوٹان کے بادشاہ جگمے کھیسر نامگیل وانگچک پیر سے شروع ہونے والے تین روزہ ہندوستان کے دورے پر ہوں گے تاکہ پہلے سے ہی قریبی دوطرفہ تعلقات کو وسعت دی جا سکے۔

بادشاہ صدر دروپدی مرمو اور وزیر اعظم نریندر مودی سے بات چیت کریں گے۔وزارت خارجہ  نے اس دورے کا اعلان کرتے ہوئے کہا کہ وانگچک کے ساتھ بھوٹان کے امور خارجہ اور بیرونی تجارت کے وزیر تانڈی دورجی اور بھوٹان کی شاہی حکومت کے سینئر عہدیدار بھی ہوں گے ۔

 وزیر خارجہ  امور نے کہا، ”صدر ہند دروپدی مرمو کی دعوت پر، بھوٹان کے بادشاہ جگمے کھیسر نامگیل وانگچک 3 سے 5 اپریل تک ہندوستان کے سرکاری دورے پر ہوں گے۔”اس میں کہا گیا ہے کہ بادشاہ کا دورہ دونوں ملکوں کے درمیان اعلیٰ سطح کے تبادلوں کی دیرینہ روایت کو مدنظر رکھتے ہوئے ہے۔

وزارت  نے ایک بیان میں کہا، ”ہندوستان اور بھوٹان دوستی اور تعاون کے منفرد رشتوں سے لطف اندوز ہوتے ہیں، جن کی خصوصیت افہام و تفہیم اور باہمی اعتماد ہے۔

  بیان میں کہا گیا ہے  ‘یہ دورہ دونوں فریقین کو دو طرفہ تعاون کے تمام پہلوؤں کا جائزہ لینے اور قریبی دو طرفہ شراکت داری کو مزید آگے بڑھانے کا موقع فراہم کرے گا۔بھوٹان ہندوستان کے لیے تزویراتی طور پر ایک اہم ملک ہے اور دونوں فریقوں کے درمیان دفاعی اور سیکورٹی تعلقات میں گزشتہ چند برسوں میں نمایاں توسیع دیکھنے میں آئی ہے۔ڈوکلام سطح مرتفع ہندوستان کے اسٹریٹجک مفاد کے لیے ایک اہم علاقہ سمجھا جاتا ہے۔