سلامتی کونسل سے متعلق امور پر بھارت روس کے درمیان دو طرفہ مشاورت

نئی دہلی ، 13 فروری (انڈیا نیرٹیو)

بھارت اور روس نے ماسکو میں ڈی جی سطح پر اقوام متحدہ کی سلامتی کونسل (یو این ایس سی) سے متعلق امور پر دو طرفہ مشاورت کی ہے۔

بدھ کے روز وزارت خارجہ کی جاری کردہ ایک ریلیز کے مطابق ، ہندستانی وفد نے 16 فروری کو اپنی مشاورتی اجلاس میں ، یو این ایس سی کے ایجنڈے کے بارے میں روس کو ہندستان کی ترجیحات سے آگاہ کیا۔ دونوں فریقین نے خصوصی اور مراعات یافتہ اسٹراٹیجک پارٹنرشپ کو مدنظر رکھتے ہوئے ، یو این ایس سی کے ایجنڈے کے اہم امور پر مل کر کام کرنے پر اتفاق کیا۔

بھارتی وفد کی قیادت جوائنٹ سکریٹری (یو این پی اور سمٹ) پرکاش گپتا نے کی ، وفد میں ماسکو میں ہندستانی سفارت خانے کے عہدیدار بھی شریک ہوئے۔ روس کی وزارت خارجہ اور بین الاقوامی تنظیموں کے ڈائریکٹر پیٹر الیشیف نے روسی وفد کی قیادت کی۔

دونوں فریقین نے اقوام متحدہ سے متعلق موجودہ امور پر گہری باہمی بات چیت کو برقرار رکھنے پر سراہا ، جس میں عالمی سطح پر مختلف موضوعات سے وابستہ مختلف امور کے مختلف معاملات بھی شامل ہے۔

بھارت اور روس نے آج ماسکو میں اقوام متحدہ سلامتی کونسل سے وابستہ معاملات پر تبادلہ خیال کیا

بھارت اور روس نے آج ماسکو میں اقوام متحدہ سلامتی کونسل سے وابستہ معاملات پر تبادلہ خیال کیا ہے۔ طرفین نےUN سلامتی کونسل کے ایجنڈے اور حالیہ حالات و واقعات پر مختلف امور پر وسیع تر بات چیت کی۔ دونوں ملکوں نے کثیرملکی فورموں پر دہشت گردی سے نمٹنے کے بارے میں اشتراک بڑھانے سے اتفاق کیا۔ وزارت خارجہ میں مغربی امور کے شعبے کے سکریٹری وکاس سوروپ نے بھارتی وفد کی قیادت کی۔ اس میں وزارت کے دیگر اہلکار اور ماسکو میں بھارتی سفارت خانے کے عملے کے اہلکار بھی شامل تھے۔

روس کے وفد کی سربراہی روسی فیڈریشن کے نائب وزیر خارجہ نے کی اور وہاں کی وزارت خارجہ کے دیگر اہلکار بھی شریک ہوئے۔ روس کے وفد نے 2021-22 کے عرصے کیلئے بھارت کی جانب سے اقوام متحدہ سلامتی کونسل میں غیرمستقل سیٹ حاصل کئے جانے کا خیر مقدم کیا۔