Urdu News

تْرکیہ کے شہر استنبول میں بم دھماکہ: عالمی رہنماؤں کی مذمت، کس نے لی ذمہ داری؟

تْرکیہ کے شہر استنبول میں بم دھماکہ

گزشتہ روز ترکیہ کے شہر استنبول میں ہونے والے بم دھماکے کی عالمی سطح پر شدید مذمت کرتے ہوئے اس واقعے پر ترکیہ کے ساتھ مکمل یکجہتی کی جا رہی ہے۔

امریکا، عرب ممالک، خلیج تعاون کونسل اور الازہر الشریف نے استنبول دھماکے کی مذمت کرتے ہوئے ترکیہ کے ساتھ یکجہتی کا اظہار کیا ہے۔وائٹ ہاؤس کے ترجمان نے کہا ہے کہ امریکا اتوار کو ترکیہ کے شہر استنبول میں ہونے والے بم دھماکے کی مذمت کرتا ہے جس کے نتیجے میں ہلاکتیں اور زخمی ہوئے۔

ترجمان کیرن جین پیئر نے ’ٹویٹر‘ پرٹویٹس میں مزید کہا کہ واشنگٹن “دہشت گردی” کے خلاف جنگ میں اپنے اتحادی ترکیہ کے ساتھ کھڑا ہے۔خیال رہے کہ گزشتہ روز وسطی استنبول کی تقسیم اسکوائر استقلال اسٹریٹ پر ہونے والے بم دھماکے میں 6 افراد ہلاک اور 80 سے زائد زخمی ہوگئے تھے۔م

صر نے بھی استنبول میں ہونے والے دہشت گردانہ بم دھماکے کی مذمت کی اور متاثرین کے لیے ترکیہ سے تعزیت کی ہے۔مصری وزارت خارجہ کے ترجمان سفیر احمد ابو زید نے دہشت گردانہ بم دھماکے کے واقعے کی سخت ترین الفاظ میں مذمت کی ہے اور مصر کی جانب سے متاثرین کے اہل خانہ، ترک عوام اور ترک ریاست کے ساتھ دلی تعزیت کا اظہار کرتے ہوئے زخمیوں کی جلد صحت یابی کی دعا کی ہے۔

مصر کی سب سے بڑی دینی درس گاہ الازہر الشریف نے بھی استنبول میں ہونے والے دہشت گردانہ بم دھماکے کی شدید الفاظ میں مذمت کی ہے۔الازھر نے اس عظیم مصیبت میں ترکیہ کے ساتھ اپنی یکجہتی کا اظہار کرتے ہوئے اس بات پر زور دیا کہ شہریوں کو نشانہ بنانا زمین پر فساد پھیلانے کے مترادف اور تمام مذہبی اور انسانی اقدار سلب کرنا ہے۔

Recommended