برطانیہ کے وزیر صحت نے کورونا قوانین کی خلاف ورزی پر استعفیٰ دے دیا

لندن ، 27 جون (انڈیا نیرٹیو)

کورونا قوانین کی خلاف ورزی اور اپنے ساتھی کوگلے لگانا برطانیہ کے وزیر صحت میٹ ہینکوک کوبھاری پڑگیا ، جس کے بعد انہوں نے اپنے عہدہ سے استعفی دیدیا۔ اپنے ساتھی کو بوسہ اور گلے لگانے کی خبروں کے بعد سے ہانکوک مخالف پارٹیوں کے ہدف پر تھے۔

وزیر اعظم بورس جانسن نے ہانکاک کے استعفی کے خط کی تصدیق کرتے ہوئے کہا کہ وزیر صحت نے اپنے عہدہ سے استعفیٰ دے دیا ہے ۔

میٹ ہینکوک نے مستعفی ہوجانے کے بعد کہا کہ ہم نے وبائی مرض سے لڑنے کے لیے ایک ملک کی حیثیت سے بہت محنت کی ہے۔اگر میری نجی زندگی کی وجہ سے اس کام میں رکاوٹ آتی ہے تو میں اپنے عہدہ سے استعفیٰ دیتاہوں۔

معلومات کے مطابق برطانیہ کے وزیر صحت میٹ ہینکوک نے دفتر میں موجود اپنے ساتھی کو بوسہ دیا ، جس کے بعد برطانیہ کے سیاست میں ہنگامہ برپا ہوگیا تھا۔ ان پر معاشرتی فاصلاتی پروٹوکول کی خلاف ورزی کا الزام لگایا گیا تھا اور تصویر منظر عام پر آنے کے بعد ان پر تنقید کی گئی تھی۔

اس کے خاتون ساتھی کو بوسہ دینے کی یہ تصویرتمام اخبارات کے ذریعہ پہلے صفحے پرچھاپی تھی ، جس کے بعد برطانیہ کے وزیر صحت ہانکوک نے معذرت کرلی۔ بتایا جارہا ہے کہ میٹ ہینکوک کا ایلی کے ساتھ عشق ہے۔ اس خاتون کی تقرری گذشتہ سال ہی کی گئی تھی۔یہ تصویر ہینکوک کے دفتر سے پچھلے مہینے لی گئی تھی تھا۔