چین نے آزادی کے خواہاں تائیوان کو جنگ کی دھمکی دی

<p dir="RTL" style="text-align: justify;">
بیجنگ ، 29 جنوری (انڈیا نیرٹیو)</p>
<p dir="RTL" style="text-align: justify;">
چین نے تائیوان کی آزادی کے مطالبے پر جنگ کی دھمکی دی ہے۔ چینی وزارت دفاع کے ترجمان وو کیان نے کہا کہ تائیوان کی آزادی کا مطلب جنگ ہے۔</p>
<p dir="RTL" style="text-align: justify;">
 وزارت نے یہ بھی کہا کہ ان کی مسلح افواج اشتعال انگیزی اور غیر ملکی مداخلت کا جواب دینے کے لیے ہمیشہ تیار ہیں۔ حال ہی میں، چینی لڑاکا طیارے تائیوان کی فضائی حدود میں گھس گئےتھے۔ تب سے ، دونوں ممالک کے مابین تناؤعروج پر ہے۔</p>
<p dir="RTL" style="text-align: justify;">
چینی وزارت دفاع کے ترجمان نے کہا ہے کہ تائیوان میں مٹھی بھر افراد آزادی کا مطالبہ کررہے ہیں۔ ہم تائیوان کی آزادی کے متلاشی ان عناصر کو متنبہ کرتے ہیں کہ آگ سے کھیلنے والے خود کو جلا لیں گے۔</p>
<p dir="RTL" style="text-align: justify;">
چین کا خیال ہے کہ تائیوان کی جمہوری طور پر منتخب حکومت باضابطہ آزادی کے اعلان کی طرف گامزن ہے۔ تاہم ، صدر سوئی انگ وین پہلے ہی کہتے رہے ہیں کہ تائیوان پہلے ہی ایک آزاد ملک ہے ، جسے جمہوریہ چین کہا جاتا ہے۔ دوسری طرف ، چینی وزارت دفاع نے ایک بار پھر کہا کہ تائیوان چین کا لازم و ملزوم حصہ ہے۔</p>