پاکستان میں دہشت گردوں کے حملے کے بعد چینی انجینئر اے کے 47 کے ساتھ کام کر رہے ہیں

پاکستان کے بالائی کوہستان میں دہشت گردوں کے حملے کے بعد اب چین پاکستان اقتصادی راہداری کے چینی انجینئر دہشت گردوں سے اس قدر خوفزدہ ہیں کہ وہ اے کے 47 کے ساتھ کام کر رہے ہیں۔

کچھ دن پہلے، پاکستان کے بالائی کوہستان میں داسو ڈیم منصوبے پر کام کرنے والے چینی انجینئروں کو لے جانے والی بس پر دہشت گردوں کے حملے میں نو چینی انجینئر ہلاک ہوگئے تھے۔ اس کے بعد چینی فرم کے تمام ملازمین کی چھٹی کرکے واپس بلا لیا گیا۔ یہ بھی کہا گیا ہے کہ وہ خود معاملے کی تحقیقات کروائیں گے۔

تب سے، چین پاکستان اقتصادی راہداری پر کام کرنے والے چینی کارکنوں میں خوف و ہراس کی فضا ہے۔ سخت سیکورٹی کے درمیان انہیں کام پر لے جایا جارہا ہے۔ چینی کارکن نہ صرف پاکستان کی فوج پر انحصار کرتے ہیں، بلکہ انہوں نے اپنی حفاظت کے لئے خود ہتھیار بھی رکھے ہوئے ہیں۔ اس سے متعلقہ تصاویر سوشل میڈیا پر تیزی سے وائرل ہورہی ہیں۔ ان تصویروں میں دکھایا گیا ہے کہ چینی کارکن اے کے 47 کے ساتھ کام کر رہے ہیں۔