کابل،یکم ستمبر (انڈیا نیرٹیو)

منگل کو طالبان اور نیشنل ریزیسٹینس فرنٹ(این آر ٹی) کے درمیان جھڑپ کے دوران 350 طالبان جنگجو مارے گئے ہیں۔ یہ جھڑپیں صوبہ پنجشیر، صوبہ پروان کے جبل سراج، پنجشیر کے خواک اور صوبہ بغلان کے اندراب ضلع میں ہوا۔ شمالی اتحاد کا دعویٰ ہے کہ 350 طالبان جنگجو مارے گئے ہیں اور 40 سے زائد  گرفتار کئے گئے ہیں۔

مقامی صحافی ناطک  ملک زادہ نے ٹویٹ کیا کہ افغانستان میں پنجشیر کے داخلے پر گلبہار کے علاقے میں طالبان جنگجوؤں اور شمالی اتحاد کے جنگجوؤں کے درمیان تصادم ہوا۔ طالبان نے یہاں ایک پل کو دھماکے سے اڑا دیا۔ 

طلوع نیوز کے صحافی مسلم شیرزاد نے ٹویٹ کیا کہ پنجشیر میں طالبان مخالف مزاحمتی قوتوں نے مبینہ طور پر طالبان جنگجوؤں کو قتل کیا جب انہوں نے گلبہار کے ذریعے وادی میں داخل ہونے کی کوشش کی۔ طالبان نے مرکزی سڑک کو کنٹینرس  کے ذریعے بند کر دیا ہے اور دونوں طرف سے لڑائی جاری ہے۔

قابل ذکر ہے کہ اس سے قبل پیر کی رات بھی طالبان نے پنجشیر میں حملہ کیا تھا۔ احمد مسعود کے ترجمان نے بتایا کہ پیر کی رات وادی پنجشیر میں لڑائی میں سات سے آٹھ طالبان جنگجو مارے گئے۔

امریکی بحریہ کا ہیلی کاپٹر گر کر تباہ

 امریکی بحریہ کا ایم ایچ-60  ایس  ہیلی کاپٹر منگل کی شام تقریباً  4.30 بجے سین ڈیاگو کے ساحل سے گر کر تباہ ہوا۔ حادثے کی تصدیق امریکی بحریہ کے پیسیفک فلیٹ نے کی ہے۔ ہیلی کاپٹر نے جنوبی کیلیفورنیا کے قریب سمندر میں ایک طیارہ بردار بحری جہاز سے ٹیک آف کیا۔ یہ ٹیک آف کے فورا بعد گر کر تباہ ہو گیا۔ عملے کے ایک رکن کو بچا لیا گیا ہے جبکہ دیگر کی تلاش جاری ہے۔

پیسیفک فلیٹ نے کہا ہے کہ ہیلی کاپٹر اپنی معمول کی پرواز کے دوران گر کر تباہ ہوا۔ سرچ اینڈ ریسکیو آپریشن جاری ہے۔ اس ہیلی کاپٹر کو جنگی امداد، انسانی تباہی سے نجات اور تلاش اور بچاؤ سمیت مختلف مشنوں کے لیے استعمال کیا  جاتا تھا۔