واشنگٹن ، 5 جولائی (انڈیا نیرٹیو)

 امریکی صدر کی رہائش گاہ وہائٹ ہاؤس میں کوکین ملنے کے بعد ہلچل مچ گئی۔ جس وقت یہ سفید پاؤڈر برآمد ہوا ، صدر جو بائیڈن وائٹ ہاؤس میں موجود نہیں تھے۔

تحقیقات کے لیے وہائٹ ہاؤس کو کچھ وقت کے لیے بند کرنا پڑا۔ابتدائی تفتیش سے معلوم ہوا کہ مذکورہ سفید پاؤڈر کوکین ہے۔ جس جگہ سے کوکین برآمد ہوئی وہ وہائٹ ہاؤس کے ویسٹ ونگ کا حصہ ہے۔

ویسٹ ونگ ایگزیکٹو مینشن سے متصل وہ علاقہ ہے جہاں صدر جو بائیڈن رہتے ہیں۔ اس میں اوول آفس ، کیبنٹ روم اور پریس ایریا اور صدر کے عملے کے دفاتر شامل ہیں۔ سیکڑوں لوگ مستقل بنیادوں پر ویسٹ ونگ میں کام کرتے ہیں یا سفر کرتے ہیں۔

سیکرٹ سروس کے حکام نے بتایا کہ ویسٹ ونگ کے اندر سے ایک نامعلوم چیز ملی ہے جس کے بعد وائٹ ہاؤس کمپلیکس کو احتیاط کے طور پر عارضی طور پر بند کر دیا گیا ہے۔تفتیش کے بعد اس کی شناخت کوکین کے طور پر کی گئی۔

ایک اہلکار نے بتایا کہ فائر ڈپارٹمنٹ کو بھی اس بات کا تعین کرنے کے لیے بلایا گیا کہ آیا یہ کوئی خطرناک چیز ہے۔ انہوں نے کہا کہ یہ سفید پاؤڈر وائٹ ہاؤس میں کیسے آیا اس کی وجہ اور طریقہ کار کی تحقیقات کی جا رہی ہیں۔