انڈیا-آسٹریلیا اکنامک کوآپریشن اینڈ ٹریڈ ایگریمنٹ (ای سی ٹی اے) جمعرات سے نافذ ہو گیا ہے۔ دونوں ممالک نے اس سال 2 اپریل کو معاہدے پر دستخط کیے تھے۔آسٹریلیا کی پارلیمنٹ نے 21 نومبر 2022 کو اس معاہدے کی منظوری دی۔ بھارت میں اس معاہدے کو کابینہ کی منظوری پہلے ہی دی جا چکی ہے۔

درحقیقت یہ ایک دہائی کے بعد کسی بھی ترقی یافتہ ملک کے ساتھ ہندوستان کا پہلا تجارتی معاہدہ ہے۔ ای سی ٹی اے معاہدہ دو طرفہ، اقتصادی اور تجارتی تعلقات کے تمام پہلوؤں کا احاطہ کرتا ہے۔

یہ تجارتی معاہدہ آسٹریلوی مارکیٹ میں ہزاروں گھریلو اشیاءجیسے ٹیکسٹائل، چمڑے وغیرہ تک ڈیوٹی فری رسائی فراہم کرے گا۔ ہندوستان کے محنت کش شعبوں جیسے جواہرات اور زیورات، ٹیکسٹائل، چمڑا، فرنیچر، خوراک، زرعی مصنوعات، انجینئرنگ مصنوعات اور طبی آلات خاص طور پر فائدہ مند ہوں گے۔

قابل ذکر ہے کہ جیسے ہی یہ معاہدہ نافذ العمل ہوگا، آسٹریلیا میں ہندوستان کی چھ ہزار سے زائد مصنوعات کی برآمد پر کوئی ڈیوٹی نہیں لی جائے گی۔ آسٹریلیا ECTA کے نافذ ہونے کے بعد پہلے دن سے تقریباً 96.4 فیصد برآمدات کو قدر کے لحاظ سے صفر ڈیوٹی تک رسائی فراہم کر رہا ہے۔

برآمد کنندگان اور صنعت کے تجربہ کاروں کے مطابق، یہ معاہدہ تقریباً 5 سالوں میں دو طرفہ تجارت کو 45-50 بلین امریکی ڈالر تک دگنا کرنے میں مدد کرے گا۔