مشق کا مقصد ایس سی او کے رکن ممالک کی فوجوں کی صلاحیتوں میں اضافہ کرنا ہے

فوجی سفارت کاری کے حصے کے طور پر دو سال میں ایک بار ہوتا ہے پرامن مشن

نئی دہلی، 21ستمبر (انڈیا نیرٹیو)

شنگھائی تعاون تنظیم (ایس سی او) کے رکن ممالک کے درمیان فوجی سفارت کاری کے ایک حصے کے طور پرپیر کے روز سے جنوب مغربی روس کے اورین برگ علاقے میں ایس سی او مشق امن مشن کا چھٹا ایڈیشن  شروع ہوا۔ روس کی میزبانی میں اس مشق کا مقصد کثیر القومی فوجیوں کی صلاحیتوں میں اضافہ کرنااور ایس سی او کے رکن ممالک کے درمیان قریبی تعلقات کو فروغ دینا ہے۔ اس دو سالہ مشق پرامن مشن میں شریک بھارتی فوج کے دستے میں فوج اور فضائیہ کے 200 اہلکاروں شامل ہیں۔

افتتاحی تقریب کا آغاز تمام شریک دستوں کی متاثر کن پریڈ سے ہوا۔ فوجیوں کو روسی مسلح افواج کے سینٹرل ملٹری ڈسٹرکٹ  کمانڈر کرنل جنرل الیگزینڈر پاولووچ لاپین نے خطاب کیا۔ ایس سی او مشق امن مشن -2021 شہری ماحول میں آپریشنل اور اسٹریٹجک سطح پر انسداد دہشت گردی کی مشترکہ کارروائیوں پر مبنی ہے جس میں ایس سی او کے تمام رکن ممالک کی افواج اور فضائیہ حصہ لے رہی ہیں۔ اگلے چند دنوں میں، فوجی اسٹریٹجک مشقوں کی تربیت، اشتراک اور مشق ہوں گی۔تمام افواج اور فضائی افواج کے فوجی مشترکہ طور پر کنٹرول اور مصنوعی  ماحول میں آپریشن کریں گے۔

یہ مشترکہ انسداددہشت گردی کثیرالجہتی مشق شنگھائی تعاون تنظیم (ایس سی او) کے رکن ممالک کے درمیان دو سال میں ایک بار کی جاتی ہے۔ ہندوستانی فوجی دستے میں ہتھیاروں کی مشترکہ فورس کے ساتھ 200 فوجی حصہ لے رہے ہیں جن میں فضائیہ کے 38 اہلکار بھی شامل ہیں۔ بھارتی دستے کو دو آئی ایل-76 طیاروں کے ذریعے مشق کے علاقے میں لے جایا گیا ہے۔ روس جانے سے پہلے، اس دستے نے جنوبی مغربی کمان کے زیراہتمام تربیت اور تیاری کی ہے۔ پْرامن مشن 2021 کی مشق  دہشت گردی کے انسداد کے لییفوجی بات چیت اور عالمی تعاون کا ایک تاریخی واقعہ ہے۔