دمشق ، 31 جنوری (انڈیا نیرٹیو)

 لیبیا کے سابق ڈکٹیٹر کرنل معمر قذافی کی بہو ایلائن اسکاف نے اپنی گاڑی سے پولیس اہلکاروں اور عام لوگوں کو کچلنے کی کوشش کی۔ وہ سڑک پر لوگوں کو مارنے کے بعد بھاگ گئی۔ قذافی نے 1969 سے لیبیا پر حکمرانی کی۔ وہ اکتوبر 2011 میں مارے گئے تھے ۔

اطلاعات کے مطابق ،اسکاف کی حفاظت میں موجود محافظوں نے گولیاں بھی چلائیں لیکن وہ فرار ہوگئی۔ سکارف کو اب شامی سیکورٹی ایجنٹوں کے ذریعہ تلاش کیا جارہا ہے۔ اس پر پہلے ٹریفک قوانین کو توڑنے کا الزام ہے۔ جب روکا گیا تو اس نے اپنی گاڑی تین پولیس اہلکاروں اور دو عام شہریوں پر چڑھادیا۔ صرف یہی نہیں ، وہ جائے وقوعہ سے بھی فرار ہوگئی۔

کہا جارہا ہے کہ سابق ماڈل اسکاف کو قذافی کی طرف جھکاؤرکھنے والے پولیس اہلکار نے گرفتار کرنے کے بجائے اسے جانے دیا ۔ تب سے لوگوں میں غم و غصہ پایا جاتا ہے۔ اس معاملے پر ، شام کے محکمہ تحفظ کا کہنا ہے کہ پولیس نے اس کی گرفتاری کے لئے وارنٹ جاری کیا ہے۔

یادرہے کہ ا سکاف کی شادی سابق آمر کے بیٹے حنیبل قذافی سے ہوئی ہے۔ اس پر شام میں پرتعیش زندگی گزارنے کا الزام ہے۔ حزب اختلاف کی جماعتوں کا کہنا ہے کہ اسے حکومت کی جانب سے کافی چھوٹ اور سہولیات ملی ہیں۔ 45 سالہ حنیبل لیبیا پر حکمرانی کرنے والے قذافی کا پانچواں بیٹا ہے۔