پاکستان کے قومی اسمبلی میں حکومتی ارکان کا بھی فرانسیسی سفیر کی ملک بدری کا مطالبہ

<p dir="RTL" style="text-align: justify;">
<strong>پاکستان کے قومی اسمبلی میں حکومتی ارکان کا بھی فرانسیسی سفیر کی ملک بدری کا مطالبہ</strong></p>
<p dir="RTL" style="text-align: justify;">
اسلام آباد،<span dir="LTR">24</span>اپریل(انڈیا نیرٹیو)</p>
<p dir="RTL" style="text-align: justify;">
پاکستان کے قومی اسمبلی اجلاس میں حکومتی ارکانِ نے بھی فرانسیسی سفیر کی ملک بدری کا مطالبہ کر دیا۔حکومتی ارکان نے اسپیکر ڈائس کے سامنے فرانسیسی سفیر کی ملک بدری کا پلے کارڈ لہرا دیا، ایوان میں تاجدارِ ختم نبوت کے نعرے بھی لگائے گئے۔مولانا اسعد محمود کے مطابق حکومت کی جانب سے ایک پرائیویٹ ممبر کے ذریعے قرارداد پیش کی گئی، حکومت نے کہا کہ انہوں نے معاہدہ پورا کر دیا ہے۔انہوں نے کہا کہ بین الاقوامی برادری کو کہا جاتا ہے کہ ہمارا قرارداد سے کوئی تعلق نہیں۔مولانا اسعد محمود نے مزید کہا کہ ہمیں نہیں معلوم وزیرِ اعظم عمران خان قوم کو دھوکا دے رہے ہیں یا بین الاقوامی برادری کو۔انہوں نے یہ بھی کہا کہ تمام اپوزیشن جماعتوں کو ہنگامی اجلاس بلا کر معاملے پر غور کرنا چاہیے۔</p>
<p dir="RTL" style="text-align: justify;">
واضح ہو کہ پاکستان میں گزشتہ کئی دنوں سے ٹی ایل پی کارکنوں کے احتجاج کے بعد بگڑتی ہوئی صورت حال کے پیش نظر فرانس نے اپنے 15 سفارت کاروں کو پاکستان سے واپس بلا لیا ہے۔ </p>
<p dir="RTL" style="text-align: justify;">
حضرت محمد کے کارٹون سے لے کرفرانس میں اہانت رسول مختلف واقعات سے ناراض ٹی ایل پی کے ذریعہ گزشتہ کئی دنوں سے پاکستان میں تشددجاری ہے۔ ٹی ایل پی کامطالبہ ہے وہ فرانسیسی سفارت کار کوپاکستان سے باہرنکالے اور پاکستان فرانس سے سبھی تعلقات ختم کرے ۔</p>
<p dir="RTL" style="text-align: justify;">
پاکستان نے انسداد دہشت گردی ایکٹ کے تحت اس تشدد میں ملوث تنظیم تحریک لبیک پاکستان (ٹی ایل پی) پر پابندی عائد کردی ہے۔ </p>
<p dir="RTL" style="text-align: justify;">
اس معاملے میں تحریک لبیک ( ٹی ایل پی)کے احتجاج کے بعد اس کے مرکزی کردار مولانا سعد رضوی کو گرفتار کرلیاگیا تھا۔ تاہم ، مولانا سعد کی گرفتاری کے بعد ، معاملہ اور بڑھتا گیا۔ اس تشدد سے جہاں دو پولیس اہلکار ہلاک ہوگئے ، وہیں متعدد پولیس اہلکار زخمی ہوئے۔</p>
<p dir="RTL" style="text-align: justify;">
تین دن کے پرتشدد مظاہروں کے بعد 15 سفارت کار ملک چھوڑ کر چلے گئے ہیں یاجانے کی تیاری میں ہیں۔فرانسیسی اخبار لی فگارو کی رپورٹ کے مطابق گزشتہ ہفتے جمعرات کو فرانس نے اپنے شہریوں اور کمپنیوں کو عارضی طور پر پاکستان چھوڑنے کا مشورہ دیا تھا۔ حکومت کے ذریعہ یہ مشورہ پاکستان میں فرانس کے خلاف پرتشدد احتجاج کے بعد دیا گیا تھا۔</p>
<p dir="RTL" style="text-align: justify;">
<strong>فرانس نے پاکستان میں پُرتشدد مظاہروں اور جھڑپوں کے پیش نظر اپنے 15 سفارت کاروں کو واپس بلا لیا</strong></p>
<p dir="RTL" style="text-align: justify;">
فرانس نے پاکستان میں ایک ممنوعہ گروپ کے ذریعہ پُرتشددمظاہروں اور جھڑپوں کے پیش نظر وہاں سے اپنے 15 سفارتکاروں کو واپس بلا لیا ہے۔ پاکستان حکومت نے گروپ کے ذریعہ ملک میں مسلسل تین دن تک پُرتشدد مظاہرے کرنے اور حکام کو چیلنج کیے جانے کے بعد جمعرات کو انسداد دہشت گردی قانون کے تحت تحریک لبیک پاکستان پر پابندی عائد کر دی ہے۔</p>
<p dir="RTL" style="text-align: justify;">
 تحریک لبیک پاکستان،<span dir="LTR">TLP</span>کےحامیوں کے ساتھ جھڑپ میں کم سے کم دو پولیس اہلکار ہلاک ہوئے ہیں۔ ایک فرانسیسی اخبار<span dir="LTR">Le Figaro</span>کے مطابق فرانس کے 15 سفارت کار، جن میں زیادہ تر سکریٹریز اور اپنے اپنے محکموں کے سربراہ شامل ہیں، یا تو پہلے ہی پاکستان چھوڑ چکے ہیں یا اگلے چند دن میں پیرس روانہ ہو جائیں گے۔</p>