روس کے تیز رفتار ڈرون حملے سے یوکرین دارالحکومت کیف کیسے دہل رہا ہے؟

کیف، 17 اکتوبر (انڈیا نیرٹیو)

 روس نے یوکرین کے دارالحکومت کیف پر ایک بار پھر بڑا حملہ کیا ہے۔ روس نے یوکرین پر کامیکازے ڈرون کے ذریعہ تیز رفتار حملے کیے ہیں۔ دارالحکومت کیف ان دھماکوں سے لرز اٹھا۔

ان فضائی حملوں کے بعد سائرن اور دھماکوں کی زوردار آوازیں سنی گئیں۔ میئر ویٹالی کلٹزکو کے مطابق حملوں سے رہائشی عمارتوں کو بھاری نقصان پہنچا ہے۔

یوکرین کے صدر ولادیمیر زیلنسکی کے دفتر کے سربراہ آندرے یرمک نے کہا کہ کیف پر حملے کامیکازے ڈرون کے ذریعے کیے گئے۔ گزشتہ ہفتے بھی کیف اور یوکرین کے کئی دوسرے شہروں پر روسی میزائلوں سے حملے کیے گئے تھے۔ اس حملے میں کئی لوگ مارے گئے تھے۔

کامیکازے ڈرون کو خودکش ڈرون بھی کہا جاتا ہے۔ کامیکازی ایک جاپانی لفظ ہے۔ یہ نام دوسری جنگ عظیم کے دوران اسپیشل یونٹ اٹیکنگ سے منسلک تھا۔

اس میں فوجی پائلٹ اپنے لڑاکا طیاروں کو تباہ کرتے تھے اور خودکش مشن کر کے دشمنوں کو مار ڈالتے تھے۔ تب سے کامیکازے  کا لفظ کسی بھی خودکش مشن کو انجام دینے اور دشمن کو ختم کرنے کے ساتھ منسلک ہونے لگا۔

کامیکازے  ڈرون روبوٹک بم کی طرح کام کرتا ہے۔ یہ اپنے ہدف کو نشانہ بنا کر درست طریقے سے حملہ کرتا ہے۔ یہ ڈرون جنگل سے پہاڑیوں تک چھپے دشمنوں کو تلاش کرتا ہے۔

یہ ڈرون کروز میزائل اور بغیر پائلٹ کے فضائی گاڑی کا مجموعہ ہے۔ یہ ایک قسم کا اڑنے والا ہتھیار ہے جو کسی بھی قسم کی جنگ میں کارآمد ہوتا ہے۔

اس کی خاصیت اپنے شکار کو فوراًپہچاننا ہے۔ سب سے خطرناک بات یہ ہے کہ یہ ٹارگٹ کے گرد گھومتا ہے اور پھر اپنا ہدف طے کر کے دشمن کے چیتھڑے اڑا دیتا ہے۔