اسلام آباد ،11؍مئی

سابق وزیر اعظم عمران خان نے موجودہ حکومت پر ہر طرح سے حملہ کرتے ہوئے خبردار کیا ہے کہ ان کی گرفتاری کے خلاف تمام منصوبے  الٹے ہوجائیں گے۔ ڈیلی ٹائمز کی رپورٹ کے مطابق، ایک ریلی میں اپنی پارٹی کے کارکنوں سے خطاب کرتے ہوئے، عمران خان نے کہا کہ مجرم پاکستانی پارلیمنٹ میں بیٹھے ہیں اور کہا کہ ان کی پارٹی صرف قبل از وقت انتخابات چاہتی ہے و کہ پی ٹی آئی کا مطالبہ تھا۔ یہ الزام لگاتے ہوئے کہ شہباز شریف انہیں گرفتار کرنے کا ارادہ رکھتے ہیں، عمران نے کہا کہ وہ 20 مئی کے بعد اسلام آباد مارچ کی کال دیں گے اور کارکنوں سے کہا کہ مارچ شروع ہوتے ہی اپنے اپنے شہروں میں احتجاج کریں۔

پی ٹی آئی کے چیئرمین نے کہا کہ یہ ان کی پارٹی کے کارکنوں پر فرض ہے کہ وہ لوگوں تک پہنچیں، انہیں مشغول کریں اور ان سے حکومت مخالف مظاہرے میں شرکت کے لیے کہیں۔ عمران خان نے اتوار کو ایبٹ آباد میں عوامی اجتماع سے خطاب کرتے ہوئے شہباز شریف کی حکومت کو خبردار کیا کہ 20 مئی کو ہونے والے لانگ مارچ کے دوران کوئی طاقت انہیں وفاقی دارالحکومت میں داخل ہونے سے نہیں روک سکتی۔

اے آر وائی نیوز نے رپورٹ کیا کہ 20 لاکھ سے زیادہ لوگ حقیقی آزادی حاصل کرنے اور "امپورٹڈ حکومت" کے خلاف احتجاج کرنے کے لیے اسلام آباد پہنچیں گے۔ عمران خان نے کہا کہ 20 لاکھ لوگ وفاقی دارالحکومت میں آئیں گے چاہے کتنے ہی کنٹینرز رکاوٹیں کھڑی کر دیں۔ پاکستان کے سابق وزیر اعظم نے اپنے حامیوں کو بتایا کہ موجودہ حکومت ان کے جذبے سے "خوفزدہ" ہے اور انہوں نے مزید کہا کہ 11 جماعتیں انہیں اقتدار سے ہٹانے کے لیے جمع ہوئی تھیں۔