بنگلہ دیش میں ہندوستان کے ہائی کمشنر وکرم دورائی سوامی نے ڈھاکہ میں وزیر اعظم شیخ حسینہ سے ملاقات کی

انہوں نے بنگ بندھو شیخ مجیب الرحمن کی صد سالہ پیدائش اور آزادی کی گولڈن جوبلی کے موقع پر وجے دیوس کی تقریبات میں شرکت کے لئے صدر جمہوریہ ہند رام ناتھ کووند کے بنگلہ دیش کے آئندہ دورے کے بارے میں معلومات دی۔

دورائی سوامی نے منگل کے روز کہا کہ یہ سال بنگلہ دیش کے لیے خاص اہمیت کا حامل ہے۔ وزیر اعظم نے اس سال کے شروع میں بنگلہ دیش کا دورہ کیا تھا اور رام ناتھ کووند بھی اس سال بنگلہ دیش کا دورہ کریں گے۔ انہوں نے مزید کہا کہ دونوں ممالک کے حکام صدرجمہوریہ رام ناتھ کووند کے دورے کی شکل کو حتمی شکل دیں گے۔

انہوں نے شیخ حسینہ کو بنگ بندھو شیخ مجیب الرحمان کی تصویر بھی پیش کی۔ یہ تصویر 1972 میں لی گئی تھی۔ اس تصویر میں وہ سیکورٹی اہلکاروں سے بات کر رہے ہیں۔اس دوران ہائی کمشنر نے ایک آڈیو-ویڈیو اور نیوز پیپرس کلپ پر مشتمل ایک پین ڈرائیو بھی وزیراعظم شیخ حسینہ کے حوالے کی۔ اس دوران شیخ حسینہ نے دونوں ممالک کے درمیان دوطرفہ تجارت اور رابطوں پر زور دیا۔

انہوں نے کہا کہ دونوں ممالک کے تعلقات نئی بلندیوں پر ہیں۔ اس کے ساتھ ہی تجارت اور سیاحت کے میدان میں بھی منافع ہوا ہے۔