ہندوستان اور چین کے مابین تعطل برقرار ، نئے واقعات سے بچنے پر اتفاق
نئی دہلی ، 11 اپریل (انڈیا نیرٹیو)
ہندوستان اور چین کے مابین 13 گھنٹوںتک چلے11 ویں دور کے فوجی مذاکرات میں ایل اے سی کے ساتھ گوگرا ، دیپسانگ اور ہاٹ اسپرنگ علاقوں سے انخلاکے عمل پر کوئی اتفاق رائے نہیں ہوا ہے۔ اس کے باوجود ، دونوں فریقوں نے موجودہ معاہدوں اور پروٹوکول کے مطابق دیگر معاملوں کو تیزی سے حل کرنے اور کسی نئے واقعہسے گریز کرنے پر اتفاق کیا ہے۔
ہندوستان اور چین کے مابین کور کمانڈر سطح کی بات چیت کا 11 واں دور جمعہ کی صبح 11.30 بجے ختم ہوا۔ یہ میٹنگ ایل اے سی کے ہندوستانی خطے کے چشول مولڈو میٹنگ پوائنٹ پر جمعہ کی صبح 10.30 بجے شروع ہوئی۔ تقریباً 13 گھنٹے جاری رہنے والے اس مذاکرات میں ایل اے سی کے متعدد تعطل آمیز نکات پر تبادلہ خیال کیا گیا۔
وزارت دفاع کے ترجمان کے مطابق ، مشرقی لداخ میں ایل اے سی کے معاملہ کے حل کے لیے دونوں اطراف کے مابین وسیع تبادلہ ہوا اور اس کے علاوہ دیگرامور پر بھی تبادلہ خیال کیا گیا۔ دونوں فریقوں نے موجودہ معاہدوں اور پروٹوکول کے مطابق بقایا معاملات کو تیزی سے حل کرنے کی ضرورت پر اتفاق کیا۔
وزارت دفاع کے سرکاری بیان میں یہ بھی کہا گیا ہے کہ دوسرے علاقوں میں انخلا سے دونوںفریقین کے لیے افواج کی تعداد کم کرنے اور امن و ہم آہنگی کی مکمل بحالی کو یقینی بنانے اور باہمی تعلقات میں پیشرفت کو کامیاب بنانے کی راہ ہموار ہوگی۔
