بنگلہ دیشی وزیر نے کہا کہ حالیہ مہینوں میں، ہندوستان۔بنگلہ دیش تعلقات کو “نئی جہتیں ملی ہیں کیونکہ ہم نے روپیہ اور ٹکا کا تبادلہ کرکے کاروبار شروع کیا ہے۔  اس لیے ان کی قیادت میں ہمارا رشتہ روز بروز مضبوط ہو رہا ہے۔ بھارت کی جی20 صدارت پر بات کرتے ہوئے بنگلہ دیش  کے وزیر  محمود نے کہا “ہندوستانی صدارت ہمارے لیے بہت حوصلہ افزا ہے اور خطے کے لیے بھی اچھا ہے۔

بنگلہ دیشی وزیر نے مزید کہا کہ دونوں ممالک کو اپنے ثقافتی تبادلے پر توجہ دینے کی ضرورت ہے اور مزید ثقافتی تعلقات لوگوں کے درمیان تعلقات کو مضبوط کریں گے۔ انہوں نے کہا کہ ہمارا مضبوط رشتہ ہے اور ہم لوگوں کے درمیان تعلقات کو مضبوط کرنے کے لیے کام کر رہے ہیں۔  اور دن بہ دن، یہ مضبوط ہو رہا  ہے۔

 دریں اثنا، وزارت خارجہ  کے سکریٹری مشرقی سوربھ کمار، بنگلہ دیش کے خارجہ سکریٹری مسعود بن مومن نے حال ہی میں ڈھاکہ میں خلیج بنگال انیشیٹو فار ملٹی سیکٹرل ٹیکنیکل اینڈ اکنامک کوآپریشن  کے مسائل پر گہرائی سے مشاورت کی۔انہوں نے  بمسٹیک کے تحت علاقائی تعاون میں حالیہ اہم پیش رفت اور اس کے ادارہ جاتی فریم ورک کو مضبوط بنانے کے لیے اٹھائے گئے اقدامات کا جائزہ لیا۔

  باغچی نے مزید لکھا کہ  بمسٹیک تعاون کے ایجنڈے اور آنے والے واقعات کو مزید گہرا کرنے کے طریقوں پر بھی تبادلہ خیال کیا۔ اس سے پہلے مئی میں وزیر خارجہ ایس جے شنکر نے بنگلہ دیشی وزیر اعظم شیخ حسینہ سے بنگلہ دیش کے دارالحکومت ڈھاکہ میں ملاقات کی تھی۔