نیویارک، 6؍مئی

یوکرین میں جاری جنگ کے نتیجے میں ابھرنے والے خوراک اور توانائی کے تحفظ کے چیلنجوں کو اجاگر کرتے ہوئے، ہندوستان نے اقوام متحدہ کی سلامتی کونسل  میں جاری رکاوٹوں کےعالمی جنوبی اور ترقی پذیر ممالک پر غیر متناسب اثرات" پر روشنی ڈالی۔   یوکرین پر اقوام متحدہ کی سلامتی کونسل کی بریفنگ سے خطاب کرتے ہوئے، اقوام متحدہ میں ہندوستان کے مستقل نمائندے، ٹی ایس ترومورتی نے کہا، اس تنازعہ کے وسیع تر علاقائی اور عالمی مضمرات کے ساتھ غیر مستحکم اثرات مرتب ہو رہے ہیں۔

ترومورتی نے کہاتیل کی قیمتیں آسمان کو چھو رہی ہیں اور غذائی اجناس اور کھادوں کی کمی ہے۔ اس کا عالمی جنوبی اور ترقی پذیر ممالک پر غیر متناسب اثر پڑا ہے۔ ترومورتی نے کہا کہتنازعات سے پیدا ہونے والے غذائی تحفظ کے چیلنجوں کا تقاضا ہے کہ ہم اس وقت ہمیں پابند کرنے والی رکاوٹوں سے آگے بڑھ کر جواب دیں۔ توانائی کی حفاظت بھی اتنی ہی سنگین تشویش ہے اور اسے تعاون پر مبنی کوششوں کے ذریعے حل کرنے کی ضرورت ہے۔

 ترومورتی نے ہندوستان کے مسلسل مطالبات کا اعادہ کیا کہ یوکرین میںدشمنی کے مکمل خاتمے اور واحد راستہ کے طور پر بات چیت اور سفارت کاری کے راستے پر چلنا۔انہوں نے کہا کہ تاہم، اس تنازعے کے نتیجے میں جانوں کا نقصان ہوا ہے اور اس کے لوگوں کے لیے خاص طور پر خواتین، بچوں اور بوڑھوں کے لیے لاتعداد مصائب کا سامنا ہے، لاکھوں لوگ بے گھر ہو گئے ہیں اور پڑوسی ممالک میں پناہ لینے پر مجبور ہو گئے ہیں۔

بھارت نے بوچا میں شہریوں کے قتل کی شدید مذمت کی ہے اور آزادانہ تحقیقات کے مطالبے کی حمایت کی  ہے۔ ہندوستانی ایلچی نے بریفنگ کے دوران اقوام متحدہ کے سکریٹری جنرل انتونیو گوٹیرس کی موجودگی اور ریمارکس کا بھی خیر مقدم کیا۔  انہوں نے کہا  کہ ہم سکریٹری جنرل کی کوششوں کو تسلیم کرتے ہیں، خاص طور پر گلوبل کرائسز ریسپانس گروپ ٹاسک ٹیم کے نتائج کو لیکر۔ ہم خوراک کی برآمد پر پابندیوں سے انسانی امداد کے لیے ڈبلیو ایف پی (ورلڈ فوڈ پروگرام) کی طرف سے خوراک کی خریداری کو فوری طور پر مستثنیٰ کرنے کی ان کی سفارش کا خیرمقدم کرتے ہیں۔