ہندوستان۔جاپان خارجہ دفتر مشاورت (ایف او سی( جمعرات کو قومی دارالحکومت نئی دہلی میں منعقد ہوا، جس میں سفارتی بات چیت کی سربراہی خارجہ سکریٹری ونے کواترا اور  جاپان کی وزارت خارجہ  نائب وزیر  شیگیو یامادا نے کی۔

یہ مشاورت بین الاقوامی مسائل کو حل کرنے اور دونوں ممالک کے درمیان سفارتی تعلقات کو مضبوط بنانے کے لیے کی گئی تھی۔وزارت خارجہ امور  کے بیان کے مطابق، دونوں ممالک مستقبل میں اس طرح کی مزید تعمیری بات چیت اور گہری مصروفیت کے انعقاد کے منتظر ہیں۔

اس سے قبل، وزیر دفاع راج ناتھ سنگھ نے ستمبر کو 8 نے ٹوکیو میں اپنے جاپانی ہم منصب یاسوکازو ہماڈا کے ساتھ دو طرفہ میٹنگ میں شرکت کی، جس میں علاقائی امور سمیت تعاون کے مختلف پہلوؤں کا جائزہ لیا۔

سنگھ نے ٹویٹ کیا، ” ٹوکیو میں جاپان کے وزیر دفاع یاسوکازو ہماڈا کے ساتھ دو طرفہ ملاقات کے دوران دو طرفہ دفاعی تعاون اور علاقائی امور کے مختلف پہلوؤں کا جائزہ لیا۔ اس سال دونوں ممالک کے درمیان سفارتی تعلقات کے 70 سال مکمل ہو رہے ہیں”۔

وزیر دفاع نے مزید کہا کہ “ہندوستان اور جاپان ایک خصوصی اسٹریٹجک اور عالمی شراکت داری پر عمل پیرا ہیں۔ جاپان کے ساتھ ہندوستان کی دفاعی شراکت داری ایک آزاد، کھلے اور قواعد پر مبنی ہند-بحرالکاہل خطے کو یقینی بنانے میں اہم کردار ادا کرے گی۔” اپنے دورے کے دوران، سنگھ نے جاپان کی سیلف ڈیفنس فورسز کے اہلکاروں کو خراج تحسین پیش کیا جنہوں نے ڈیوٹی کے دوران اپنی جانیں قربان کیں۔

سنگھ نے ٹویٹ کیا، ’’جاپان کی سیلف ڈیفنس فورس کے اہلکاروں کو میرا خراج تحسین پیش کرتا ہوں جنہوں نے ڈیوٹی کے دوران اپنی جانیں قربان کیں۔