نئی دہلی، 8؍ ستمبر

ہندوستان اورامریکہ نے بدھ کو ایک آزاد، کھلے، منسلک اور محفوظ ہند-بحرالکاہل خطے کی حمایت کے لیے دو طرفہ تعلقات کو مزید مضبوط کرنے پر اتفاق کیا۔

خارجہ امور اور دفاع کی وزارتوں اور امریکی محکمہ دفاع اور ریاست کے سینئر عہدیداروں نے یہاں ہندوستان-امریکہ 2+2 بین سیشن میٹنگ کے لئے ملاقات کی۔

وزارت خارجہ کے ترجمان ارندم باغچی نے  میٹنگ کے نتائج کے بارے بتاتے ہوئے کہا  کہ  اپریل 2022 کے 2+2 وزارتی مذاکرات کے نتائج کا جائزہ لیا گیا جس کا مقصد ہندوستان-امریکہ اسٹریٹجک شراکت داری کو مزید مضبوط کرنا ہے۔میٹنگ کا مقصد امریکہ بھارت جامع عالمی اسٹریٹجک پارٹنرشپ کو گہرا کرنا تھا۔

بھارت، امریکہ اور کئی دوسری عالمی طاقتیں وسائل سے مالا مال خطے میں چین کی بڑھتی ہوئی فوجی چالوں کے پس منظر میں آزاد، کھلے اور ترقی پذیر ہند-بحرالکاہل کو یقینی بنانے کی ضرورت پر بات کر رہی ہیں۔

چین تقریباً تمام متنازعہ جنوبی بحیرہ چین پر اپنا دعویٰ کرتا ہے جبکہ تائیوان، فلپائن، برونائی، ملائیشیا اور ویتنام اس کے کچھ حصوں پر دعویٰ کرتے ہیں۔

بیجنگ نے بحیرہ جنوبی چین میں مصنوعی جزیرے اور فوجی تنصیبات تعمیر کر رکھی ہیں۔منگل کو، یو ایس انڈیا بزنس کونسل کے زیر اہتمام انڈیا آئیڈیاز سمٹ سے خطاب کرتے ہوئے وزیر خارجہ ایس جے شنکر نے کہا کہ ہندوستان اور امریکہ کے درمیان مضبوط تعاون کا معاملہ طویل عرصے سے جاری رجحانات کی وجہ سے خطرے میں موجودہ عالمگیریت کے ماڈل کے ساتھ اور بھی مضبوط ہو گیا ہے۔