اوٹاوا، 27 اکتوبر (انڈیا نیرٹیو)

 کینیڈین وزیراعظم جسٹن ٹروڈو کی کابینہ میں تبدیلی کے بعد بھارتی نڑاد کینیڈین سیاستدان انیتا آنند کو نیا وزیر دفاع بنا دیا گیا ہے۔ انیتا آنند (54) ہندوستانی نڑاد کینیڈین شہری ہرجیت سجن کی جگہ لیں گی۔ سجن کو بین الاقوامی امور کا وزیر بنایا گیا ہے۔ انیتا آنند کینیڈا کی دوسری خاتون وزیر دفاع بن گئی ہیں۔

اس عہدے پر تقرری کے بعد انیتا نے ٹویٹ کیا کہ آج قومی دفاع کے وزیر کی حیثیت سے حلف لینا میرے لیے اعزاز کی بات ہے۔ مجھے یہ پورٹ فولیو سونپنے کے لیے جسٹن ٹروڈو کا شکریہ۔ 2019 میں، وزیر اعظم جسٹن ٹروڈو کو انیتا کے اوک ویل سے رکن پارلیمنٹ منتخب ہونے کے بعد پبلک سروسز اور پروکیورمنٹ کے وزیر کی ذمہ داری دی گئی تھی۔

انیتا کی پیدائش 1967 میں نووا سکوشیا میں ہندوستانی والدین کے ہاں ہوئی۔ دونوں ڈاکٹر تھے۔ ان کی والدہ سروج پنجاب اور والد ایس وی۔ آنند کا تعلق تمل ناڈو سے تھا۔انیتا یونیورسٹی آف ٹورنٹو میں قانون کی پروفیسر بھی رہ چکی ہیں۔