Urdu News

نیپال سے بنگلہ دیش کو بجلی برآمد کرنے کا ہندوستان کا معاہدہ اہم: پرچنڈ

وزیر اعظم نریندر مودی اور نیپال کے وزیر اعظم پشپا کمل دہل پرچنڈ

نئی دہلی، 2 جون (انڈیا نیرٹیو)

 نیپال کے وزیر اعظم پشپا کمل دہل پرچنڈ نے کہا ہے کہ نیپال سے بنگلہ دیش کو بجلی برآمد کرنے کے لیے ہندوستان کے ساتھ ایک اہم معاہدے پر دستخط کیے گئے ہیں۔ انہوں نے یہ بات جمعہ کی صبح دہلی کے ہوٹل موریا میں نیپالی صحافیوں کے ساتھ کہی۔

انہوں نے کہا کہ ہندوستان کے اس دورے کے دوران ہائیڈرو پاور سیکٹر میں سرمایہ کاری کے لیے ایک اہم بنیاد رکھی گئی ہے۔ اس دوران وزیر اعظم نریندر مودی کے ساتھ تین بار ون ٹو ون بات چیت ہوئی۔ یہ سفر بجلی کے کاروبار کے حوالے سے کامیاب اور اہم ہے۔

انہوں نے کہا کہ 27 سال قبل مہاکالی معاہدے کے تحت پنچشور کثیر مقصدی پروجیکٹ کی تعمیر کے لیے تین ماہ کے اندر تفصیلی پروجیکٹ رپورٹ (ڈی پی آر) تیار کرنے پر اتفاق ہوا تھا۔ یہ ڈی پی آر ابھی تک تیار نہیں ہوا ہے۔ انہوں نے کہا کہ ہندوستان نے سرحدی علاقے میں مسائل کو حل کرنے کے اپنے عزم کا اعادہ کیا ہے۔ قابل ذکر ہے کہ پرچنڈ 31 مئی سے ہندوستان کے دورے پر ہیں۔ وہ 3 جون کو وطن واپس آئیں گے۔

Recommended