نئی دہلی،15؍جون
انڈونیشیا کی وزیر خارجہ ریٹنو مارسودی خصوصی آسیان۔ہندوستان وزرائے خارجہ کی میٹنگ اور دہلی ڈائیلاگXII کے لئے نئی دلی پہنچ گئیں۔ وزارت خارجہ کے ترجمان ارندم باغچی نے بدھ کو کہا۔آسیان۔ہندوستان کے وزرائے خارجہ کی خصوصی میٹنگ اور دہلی ڈائیلاگXII کے لیے انڈونیشیا ککی وزیر خارجہ ریٹنو مارسودی کا استقبال کرتے ہوئے خوشی ہوئی۔ جامع اسٹریٹجک پارٹنرشپ کو مضبوط کرنے کا ایک موقع ملے گا۔
ہندوستان 16 اور 17 جون کو خصوصی آسیان۔ہندوستان وزرائے خارجہ کی میٹنگ کی میزبانی کرے گا، جو ہندوستان۔آسیان مذاکراتی تعلقات کی 30 ویں سالگرہ اور آسیان کے ساتھ ملک کی اسٹریٹجک شراکت داری کی 10 ویں سالگرہ کے موقع پر ہوگا۔ وزیر خارجہ ایس جے شنکر اور سنگاپور کے وزیر خارجہ ویوین بالاکرشنن، جو ہندوستان کے کنٹری کوآرڈینیٹر ہیں، اس میٹنگ کی مشترکہ صدارت کریں گے۔ آسیان کے دیگر رکن ممالک کے وزرائے خارجہ اور آسیان کے سیکرٹری جنرل مذاکرات میں شرکت کریں گے۔
اس سال کو آسیان انڈیا دوستی سال کے طور پر نامزد کیا گیا ہے۔ آسیان۔بھارت مذاکراتی تعلقات 1992 میں سیکٹرل پارٹنرشپ کے قیام کے ساتھ شروع ہوئے جو دسمبر 1995 میں مکمل ڈائیلاگ پارٹنرشپ، 2002 میں سمٹ لیول پارٹنرشپ اور 2012 میں اسٹریٹجک پارٹنرشپ کے تحت وسیع ہو گئے۔ دونوں ملکوں کے درمیان اسٹریٹجک پارٹنرشپ آج ایک مضبوط بنیاد پر کھڑی ہے اور آسیان ہندوستان کی ایکٹ ایسٹ پالیسی اور وسیع تر ہند۔بحرالکاہل کے لیے اس کے وژن میں مرکزی حیثیت رکھتا ہے۔
ایک سرکاری پریس ریلیز میں کہا گیا ہے کہ اس کثیر جہتی شراکت داری میں بہت سے سیکٹرل ڈائیلاگ میکانزم اور ورکنگ گروپس شامل ہیں جو مختلف سطحوں پر باقاعدگی سے ملتے ہیں اور اس میں سالانہ چوٹی کانفرنس، وزارتی اور اعلیٰ عہدیداروں کی میٹنگیں شامل ہیں۔ ہندوستان۔آسیان کے جاری تعاون کی رہنمائی پلان آف ایکشن 2021-2025 کے ذریعہ کی گئی ہے جسے 2020 میں اپنایا گیا تھا۔
