اسرائیل کا ایران پرحملے کے لیے 90 کروڑ10 لاکھ ڈالر مختص کرنے کا ارادہ

<p dir="RTL" style="text-align: justify;">
 دبئی،03فروری (انڈیا نیرٹیو)</p>
<p dir="RTL" style="text-align: justify;">
پیرکے روزاسرائیلی وزیراعظم بنجامن نیتن یاھو کی زیرصدارت ہونے والے کابینہ کے اجلاس میں عسکری قیادت نے بھی شرکت کی۔ اس اجلاس کا اہم ترین ایجنڈا ایران کے خلاف فوجی کارروائی کے لیے بجٹ پر غور کرنا تھا۔ اسرائیل کے نشریاتی ادارے’کے اے این‘کی رپورٹ کے مطابق سیاسی اور عسکری قیادت نے اس بات پر اتفاق کیا ہے کہ ضرورت پڑنے پرایران کے خلاف فوجی کارروائی کی جا سکتی ہے۔</p>
<p dir="RTL" style="text-align: justify;">
اسرائیلی سرکاری نشریاتی ادارے کے مطابق نیتن یاھو کے دفتر میں ہونے والے اس اجلاس میں آرمی چیف جنرل اویو کوشاوی، وزیر دفاع بینی گینٹز اور وزیر خزانہ یسرائیل کاٹز نے بھی شرکت کی۔</p>
<p dir="RTL" style="text-align: justify;">
رپورٹ کے مطابق وزارت دفاع نے ایران کے خلاف فوجی کارروائی کے لیے تین ارب شیکل کا مطالبہ کیا۔ امریکی کرنسی میں یہ رقم 90 کروڑ 10 لاکھ ڈالر بنتی ہے تاہم وزارت خزانہ اتنی بڑی رقم صرف اسی صورت میں فراہم کی جاسکتی ہے کہ اگربجٹ میں دوسرے شعبوں کے لیے مختص بجٹ کی کٹوتی کی جائے۔اسی حوالے سے اسرائیل کی خارجہ و سیکورٹی کمیٹی کا اجلاس ہوگا۔</p>
<p dir="RTL" style="text-align: justify;">
درایں اثنا اسرائیلی اخبار’یروشلم پوسٹ‘ کی رپورٹ میں کہا گیا ہے کہ کابینہ اور سیکورٹی کمیٹی کا ایک اجلاس آئندہ اتوار کو منعقد ہوا۔امریکا میں جوبائیڈن کے صدر منتخب ہونے کے بعد اسرائیلی سیکورٹی کمیٹی کا یہ پہلا اجلاس ہے۔ اس اجلاس ایران کے حوالے سے جاری کشیدگی اور امریکہ کی ایران کے ساتھ طے پائے جوہری معاہدے میں ممکنہ واپسی پرغور کیا جائے گا۔</p>