Urdu News

جکارتہ: مسجد میں لگی خوفناک آگ،بڑا گنبد گرا، کوئی جانی نقصان نہیں

جکارتہ: مسجد میں لگی خوفناک آگ

جکارتہ، 20 اکتوبر (انڈیا نیرٹیو)

 انڈونیشیا کی راجدھانی جکارتہ کے اسلامک سینٹر کی مسجد میں زبردست آگ لگنے سے ایک بڑا گنبد منہدم ہوگیا۔ شکر ہے حادثے میں کوئی زخمی نہیں ہوا۔ آگ لگنے کی وجہ کی جانچ کی جا رہی ہے۔

مسجد کے گنبد میں لگی  آگ کا ویڈیو سامنے آیا ہے جس میں دیکھا جاسکتا ہے کہ آگ کتنی خوفناک تھی۔ فائر بریگیڈ کی دس گاڑیوں نے کافی مشقت کے بعد آگ پر قابو پایا۔ حالانکہ اس حادثے میں کسی جانی نقصان کی کوئی اطلاع نہیں ہے۔ حادثے کی وجہ معلوم کی جارہی ہے۔

میڈیا رپورٹس کے مطابق مسجد میں مرمت کا کام جاری تھا اور حادثہ بدھ کی سہ پہر تین بجے کے قریب پیش آیا۔ اسلامک سینٹر کامپلیکس میں مسجد کے علاوہ تعلیمی، تجارتی اور تحقیقی سہولیات موجود ہیں۔

Recommended