مزار شریف کی مسجد میں دھماکہ، 18 جاں بحق

ننگرہار میں چار فوجی ہلاک، قندوج دھماکے سے دہلا

افغانستان میں دہشت گردی کے دھماکوں کا سلسلہ تھمنے کا نام نہیں لے رہا۔ جمعرات کو دارالحکومت کابل سمیت چار شہروں میں زوردار دھماکوں میں 24 سے زائد افراد ہلاک اور بڑی تعداد میں لوگ زخمی ہوئے۔

مشرقی افغانستان میں ملک کے چوتھے بڑے شہر مزار شریف کی ایک مسجد آج ایک بم دھماکے سے لرز گئی۔ گنجان آباد علاقے میں واقع مسجد سہ دکن میں زور دار دھماکہ ہوا۔ اس دھماکے میں 18 افراد کی ہلاکت کی تصدیق ہوئی ہے۔ 30 سے زائد افراد زخمی ہیں۔ زخمیوں کو قریبی اسپتالوں میں لے جایا گیا ہے۔ ابو علی سینا بلکی ڈسٹرکٹ ہسپتال کے سربراہ غوث الدین انوری نے زخمیوں کی حالت نازک بتائی۔ انہوں نے زخمیوں کی صحیح تعداد بتانے سے انکار کرتے ہوئے کہا کہ زخمی لوگ مسلسل آ رہے ہیں۔ انہیں بچانے کی کوشش کر رہے ہیں۔ تاہم زخمیوں اور مرنے والوں کی تعداد میں اضافے کا خدشہ ہے۔

مزار شریف کے علاوہ افغانستان کا دارالحکومت کابل بھی دھماکوں کی لپیٹ میں آگیا۔ خوشحال خان کے علاقے میں دھماکہ ہوا۔ افغانستان کے ایک اور شہر قندوز میں بھی دھماکہ ہوا ہے۔ دھماکوں کی وجہ سے ان دونوں شہروں میں خوف و ہراس کا ماحول ہے۔ یہاں کم از کم دو افراد ہلاک اور متعدد زخمی ہوئے ہیں۔

 افغانستان اور پاکستان کی سرحد کے قریب واقع شہر ننگرہار میں خوانی میں ہونے والے دھماکوں کا نشانہ فوجی تھے۔ چار فوجیوں کی ہلاکت کی تصدیق کی گئی ہے۔ اس طرح چار شہروں میں 24 سے زائد افراد کی ہلاکت کی اطلاعات سامنے آئی ہیں۔ حکام کا کہنا ہے کہ یہ تعداد مزید بڑھ سکتی ہے۔