کے پی شرما اولی  ایک بار پھر نیپال کے وزیراعظم مقرر

نیپال میں صدر بِدیا دیوی بھنڈاری نے، کے پی شرما اولی کوایک بار پھر وزیراعظم مقرر کر دیا ہے، کیوں کہ اپوزیشن پارٹیاں کل رات نو بجے تک کی آخری مدت تک کوئی اتحادی حکومت نہیں قائم کر پائی تھیں۔ انہیں پیر کو ایوان نمائندگان میں اعتماد کا ووٹ حاصل نہیں ہوسکا تھا۔ اب ان کے پاس تین دن ہیں کہ وہ ایوان میں اپنی اکثریت ثابت کریں۔

وزیراعظم کے عہدے کے اہم امیدوار شیر بہادر دیوبا ہیں جواصل اپوزیشن نیپالی کانگریس کے سربراہ ہیں۔ انہوں نے اپنے اتحادیوں کو آخری مدت ختم ہونے سے کچھ دیر پہلے ہی اطلاع دی تھی کہ وہ اتحادی حکومت تشکیل دینے کے لیے ایوان میں اکثریت ثابت نہیں کر سکیں گے۔

شیربہادر دیوبا کی طرف سے باقاعدہ پیچھے ہٹنے کے بعد، حکومت تشکیل دینے کے لیے صدر کے پاس، کے پی اولی کو دوبارہ مدعو کرنے کے علاوہ کوئی دوسرامتبادل باقی نہیں رہ گیا تھا۔