واشنگٹن، 27 ستمبر (انڈیا نیرٹیو)

 آج کا دن پوری دنیا کے لیے ایک تاریخی دن ہے۔ اب سے کچھ دیر پہلے شام چار بج کر 45 منٹ پر ناسا نے ایک بڑا ریکارڈ بنایا ہے۔خلائی ایجنسی نے زمین کو ایسٹیرائڈ سے بچانے کا کامیاب تجربہ کیا ہے۔

اس کے تحت اپنے ڈارٹ مشن کو انجام دیا۔ ناسا کا سیارچے کی سمت اور رفتار کو تبدیل کرنے کا تجربہ کامیاب رہا۔ اس کی حتمی رپورٹ آنا ابھی باقی ہے۔

ناسا کو یقین ہے کہ ایسٹیرائڈ نامی عظیم تباہی سے بڑا ٹکراؤ کامیاب رہا۔ یعنی ناسا کا مشن ڈارٹ کامیاب رہا۔

فٹبال اسٹیڈیم کے برابر ڈیمورفوس سے اسپیس کرافٹ کے ٹکراتے ہی پروجیکٹ ڈارٹ سے وابستہ ناسا کی ٹیم خوشی سے اچھل پڑی۔ سائنسداں دل تھام کر خلا کے اس تاریخی لمحے کا گواہ بنے۔ ٹکر ہوتے ہی سب تالیاں   پیٹنے لگے۔

دراصل، ناسا پروجیکٹ ڈارٹ کے ذریعے یہ دیکھنا چاہتا تھا کہ کیا ایسٹیرائڈ پر اسپیس کرافٹ کی ٹکر کا کوئی امپیکٹ پڑتا ہے یا نہیں۔ کیا اسپیس کرافٹ کی ٹکر سے ایسٹیرائڈ کی سمت اور رفتار پر اثر پڑتا ہے کہ نہیں۔

ان سوالوں کا تفصیلی جواب ڈٹیل رپورٹ آنے کے بعد ہی ملے گا۔ لیکن ناسا کے سائنسدانوں کو یقین ہے کہ اسپیس کرافٹ کی ٹکر سے ڈیمورفوس پر ضرور اثر پڑا ہے۔

 امپیکٹ سکسیس کا بھی یہی مطلب ہے لیکن امپیکٹ کتنا پڑا ہے، اس پر بہت جلد ناسا کی رپورٹ سامنے آئے گی۔یہ پہلا موقع ہے جب کسی سیاروں کے دفاعی نظام یعنی ڈارٹ کا مشن کامیابی سے مکمل کیا گیا ہے۔

اس کا فائدہ اب مستقبل میں کسی بھی سیارچے کو ختم کرنے کے لیے اٹھایا جا سکتا ہے۔ یہ خلائی جہاز صبح 4 بج کر 45 منٹ پر ڈیمورفوس نامی چھوٹے سیارچے سے ٹکرا گیا۔