نیتن یاہوکی آخری گنتی شروع ، حکومت سازی کے لیے حزب اختلاف متحد

یروشلم ،یکم جون (انڈیا نیرٹیو)

اسرائیل میں اقتدار کی تبدیلی کے خدشات کے درمیان وزیر اعظم بینجمن نیتن یاہو کوحکومت سے محروم ہونا پڑ سکتا ہے۔اس کی وجہ نیتن یاہو کے سابق معاونین کا سیاسی مخالفین کے ساتھ ہاتھ ملاناہے ۔اس حکومت میں بائیں ، درمیانی اور دائیں بازو کی جماعتوں کے ساتھ انہیں عرب پارٹی کی حمایت بھی حاصل ہے۔

اسرائیل میں سیاسی تبدیلیوں پر وزیر اعظم نیتن یاہو کے سابق معاون نفتالی بینیٹ نے کہا ملک میں الیکشن ملتوی کرنے اور سب کچھ ٹھیک کرنے کے لئے قومی اتحاد کی حکومت کی تشکیل ضروری ہے۔

یمنہ پارٹی کے رہنما نفتالی اس سے قبل نیتن یاہو حکومت میں چیف آف اسٹاف کی حیثیت سے خدمات انجام دینے کے ساتھ انہوں نے وزارت دفاع سمیت دیگر محکموںمیں خدمات انجام دے چکے ہیں۔ 

معلومات کے مطابق نفتالی بینیٹ اور اپوزیشن رہنما جیر لاپڈ کے مابین اقتدار کی تقسیم پر اتفاق رائے ہوگیا ہے۔ اس کے تحت نفتالی اور لیپڈ باری باری سے وزیراعظم بنیں گے۔

نیتن یاھوکے خلاف فی الحال رشوت ستانی اور اعتماد کی خلاف ورزی کے الزام میں یروشلم کی ایک ضلعی عدالت میں مقدمہ چل رہاہے۔ ایسے وقت میں اقتدار سے بے دخل ہونا ان کے لئے بہت بڑا دھچکا ہوگا۔