پونچھ ، 02 فروری (انڈیا نیرٹیو)

 پاک فوج نے اپنی مذموم سرگرمیاں جاری رکھتے ہوئے پونچھ ضلع کے وادی کرشنا سیکٹر میں بغیر کسی اشتعال انگیزی کے ایک بار پھر سیز فائر کی خلاف ورزی کی۔

منگل کی شب 2 بجکر 15 منٹ پر پاکستانی فوج نے سب ڈسٹرکٹ مینڈھر کے لائن آف کنٹرول پر کرشنا ویلی سیکٹر میں رہائشی علاقوں اور بھارتی چوکیوں پر فائرنگ کی۔ بھارتی فوجیوں نے بھی پاکستانی گولہ باری کا بھرپور جواب دیا۔ دونوں طرف سے گولہ باری جاری ہے۔

بتایا جارہا ہے کہ بھارت کی جوابی کارروائی میں پاکستانی فوج کو نقصان پہنچا ہے۔ تاہم اس گولہ باری میں ہندوستان کو کسی طرح کے نقصان کی کوئی اطلاع نہیں ہے۔

دوسری طرف ، پاک فوج کی جانب سے گولہ باری کی وجہ سے لائن آف کنٹرول کے ساتھ جنگلات میں آگ لگی ہے اور یہ آگ پاکستان کی سرزمین سے ہوتی ہوئی ہندوستان کی سرحد کی طرف بڑھ رہی ہے۔ فوج کی جانب سے بھارت کی جانب تیزی سے پھیل رہی آگ کو روکنے کے لیے کوششیں شروع کردی گئیں ہیں۔