وزیر اعظم عمران خان نے کہا کہ پاکستان آج اقوام عالم میں سر اٹھا کر کھڑا ہوسکتا ہے، کیا اس بیان میں کچھ سچائی ہے؟ پاکستان کے سامنے بے شمار چیلنجز ہیں  جن میں سب سے اہم دہشت گردی ہے۔ پاکستان کیا دہشت گرد اور متشدد گروپ سے خود کو ابھار سکتا ہے؟ آج پوری دنیا پاکستان سے یہی سوال کر رہی ہے۔ کیا ہی اچھا ہوتا  کہ اگر پاکستانی وزیر اعظم عمران خان پاکستان کو ان لعنتوں سے باہر نکالنے میں کامیاب ہوجاتے؟ اگر یہ سب کرنے میں کامیاب ہوتے تو جشن آزادی یقیناً جشن ہوتی۔حالاں کہ اس کی امید بہت کم ہے کیوں کہ ہر دن کوئی نیا گروپ پاکستان میں کھڑا ہواٹھتا ہے۔بہرکیف!پاکستان کو جشن آزادی اس شرط کے ساتھ مبارک ہو کہ شرپسند عناصر کا جلد سے جلد خاتمہ ہو، تب ہی پاکستان اسم با مسمیٰ ہوگا۔

My message on Independence Day especially for our youth. These three characteristics – truth, justice & valour – transform ordinary human beings into great ones. pic.twitter.com/3mY2h2J9VV

— Imran Khan (@ImranKhanPTI) August 14, 2021

پاکستان کے وزیراعظم عمران خان نے قوم کو جشن آزادی کی مبارک باد دیتے ہوئے اپنے پیغام میں کہا کہ پاکستان آج اقوام عالم میں سر اٹھا کر کھڑا ہوسکتا ہے۔

اے آر وائی نیوز کے مطابق وزیراعظم عمران خان نے جشن آزادی کے موقع پر اپنے پیغام میں کہا کہ ایمان، اتحاد، تنظیم کی قومی اقدار کو سربلند رکھنے کا عزم دہرانا چاہتے ہیں، ہم نے ابھرنے کے لیے تاریخ کے سفرمیں کٹھن چیلنجز عبور کیے ہیں۔

مسٹر عمران خان نے کہا کہ آج اندرون ملک بعض درپیش مسائل ہمارے عزم کا امتحان ہیں، آج خطے کی بدلتی صورت حال ہمارے عزم کا امتحان ہے، ہم اپنے عزم صمیم کی بدولت رکاوٹوں پر قابو پالیں گے۔انہوں نے کہاکہ ہم ایک مرتبہ پھر مضبوط تر قوم کے طور پر ابھریں گے، معیشت کی بحالی، کورونا وبا سے نبردآزما ہونے پر پذیرائی ملی، ماحولیاتی تحفظ پر ہماری پالیسیوں کو دنیا بھر میں سراہا گیا۔وزیراعظم نے کہا کہ پاکستان نے مغربی سرحدوں پر غیرمستحکم صورت حال پر بڑی قربانیاں دیں، ہم نے مغربی سرحد پر غیرمستحکم صورت حال کی بھاری قیمت چکائی ہے۔

مسٹر عمران خان نے کہا کہ نیا پاکستان میں ہماری تمام تر توجہ جیو اکنامکس پر مرکوز ہوگئی ہے، اولین ترجیح عوام کی فلاح و بہبود اور خوش حالی ہے، حکومت نے پاکستان کی ترقی و خوش حالی کے لیے ہر ممکن کوششیں کیں۔انہوں نے کہا کہ بلاشبہ پاکستان اللہ کا ہمارے لیے ایک تحفہ ہے، پاکستان کو قابل فخر، خوش حالی اور پر امن بنانے میں کردار ادا کریں۔

Prime Minister @ImranKhanPTI Khan's message on Independence Day 2021:

"As we hoist our national flag to mark Independence Day, we must reiterate the firm resolve to uphold our national values of unity, faith and discipline as envisioned by Quaid-i-Azam Muhammad Ali Jinnah"

1/11 pic.twitter.com/1xhCXnQGqc

— Prime Minister's Office, Pakistan (@PakPMO) August 14, 2021